طيبه... نار كافي ارجعي العقلج وبطلي هل سوالف هااي ترئ الرجال مابي كل عيب ومصارلج 8 أشهر من ازوجتي... لاضلين باارده ويااه ترئ يمل ويعوفج
نارر.... اهو وو شوفي خيه اني لا بارده ولاشي جااي اكلج من ازوجنه لللسه مامتقربي ولج لسه اني ابنيه..
ماشي قابله مايتقربلي.. ولج من يحجي وياي عبالك غريبه ولاجنه اني مرته.
هم عاادي بس اليقهرج مايضحك ولايسولف 24 ساعه وجهه عابسه ومكشول وحواجبه رافعهن عبالج يحجي بديوان مو يحجي ويه اهله
وكل هذا بت عمه الي لازكه بي ماتعوفه....
مللليت ياطيبه.. عدا الأوامر مال امه ومرت عمه عبالج خدامه ولاعبالهم انه جنه حالي حال براء...
ولج طيبه... عصببببي حيييل 💔 مجاي أكدر علي حتئ استحي احجي ويا
طيبه....ميخالف خيه اتحملي هذا زلمتج اول وتالي مرجعج اله ترئ لاني ولا غيري يفيدج الله وكيلج وهسه كومي خلي نتعشه قبل لا يجي
ناار... مااشي رايحه اسبح وانتي سوي العشه لان ولله كلش تعبااانه من الشغل الي عدهم.. 😔
طيبه... ههه ماشي خيه روحي اسبحي وتمكيجي... ع ماحضر العشه
نارر.. رحت سبحت وبدلت لبست بنطرون وفوكا قميص قصير يعني مال بنطرون وتمكيجت ولبست شالي وحذائي ونزلت
لكيت طيبه محضره العشه وراحت اجيب الخبز
طيبه.... فلك الفلكج ولج تردين اليوم يذبحج حررب
ولج انتي ليش هجي لابسه ماتخافين منه
نار... وهسه اشلابسه اني وشمبين مني
طيبه.... لاخيه ملابسه شي بس صدرج والورك امبينات وانتي تدرين بجسمج شلونه مايحتاج اكلج
نار.... كلشي مامبين وهسه هوه عاد يياوع شلبس وشحط اصلا مادايرلي بال ولامهتم بيه
شوو امشي خلي نتعشه جعت...
كعدنه نتعشه اني وطيبه.... اكلج طيبه وين مهند ابنج شنو مياكل
طيبه... جاي يلعب طوبه بل شارع هسه يجوع ويطبلي...
نار... جا رجلج اليوم اتأخر
طيبه،،، اي ولله كال عدي بضاعه جايته ويتأخر
نار.. هممم
اتعشينه وخلصنه وشفت مهند طب يركض وعاف باب الشارع مفتوح يكول عموو حرب اجه ويكول صيحلي خاله نار خلي تجي ماعدي وقت
نار... باوعتله من ابعيد
صافط السياره بل باب وعينه ع بيت شافني ورفع حاجبه.. اصلا مَاهتميت ... لبست عباتي وسلمت ع طيبه وطلعت
كعدت يمه بل صدر. كتله هلوو شفته باوعلي بحده وحجه بصوت خشن كال وعليكم السلام...
درت وجهي ع جامه وشخط السياره ومشه شفته شغل جكاره خلص وحده يطلع الثانيه
مافهمت اشبي ليش هيج وجهه معبسه ابد مايضحك.. باوعت على لابس دشداشه بيضه وفوكاه عبايه سوده وحاط الساعه بجيبه ولابس العكال والشماغ وعطره المخبوط ويه ريحت الجكاير.. 😍 اعشق عطره
وصلنه للبيت دخل السياره للكراج دخلت من باب المطبخ وكبل صعدت الغرفتي كلت ابدل ونزل اسلم
نزعت عباتي وحجابي وسمعت الباب انفتح..
باوعت شفت حررب ضل يباوعلي صفح.. وحجه بصووت خشن وعالي وهوه مدنك يفتح بدكم الدشداشه
كال. منا ورايح ماكو هذا البس يتغير
نار... باوعت على وكتله مابي شي لبسي
حررب... كلت يتغير وخلص كلمه زايده ماسمع
نار... استغفر الله واتوب اليه
حرب... ماسمعت
نار.. كاعد استغفر ربي اليله جمعه... شفته باوع ركع الباب وطلع
لبست دشداشه حمره ساده مكصفه عليه ولبست شال عدلت مكياجي ونزلت
سلمت ع كاعدين عمتي ومرت عمي والبنات وبراء كامت بوستني... رحت يم الحجيه الجبيره بست ايده وراسه...
شفته كعد يم الحجيه ويسولف ع باجر شراح يسوي ويعزم...
اجيت اكعد كالت عمتي كومي نار سوي جاي للكاعدين اني هم كمت سويت جاي وحضرت الاستكاين وكعدت ع ميز منتضره يخدر الجاي
فتحت باب المطبخ وكفت يم الباب ريحت الحديقه والورد يخبل وهوئ عالي
شويه وسمعت الجاي كام يصوفر (اكيد سامعين بهيج قوري مال جاي من يخدر يضل يصوفر)
صبيت ومشيت وزعت وصلت يمه اخذ الجاي وصارت عينه ع صدري وبسرعه نزل عينه. وكال من اتوزعين اكعدي وزعي لا ضلين هجي مدنجه جدام الكاعدين
كتله كله نسوان بس انته غريب. عفته ومشيت
الحجيه... ناار حبوبه من اتخلصين الحكيني ع حجرتي
نار.. اتامريني حجيه... باوعت على شفته اشتعل نار من كتله انته غرريب ضل يشرب جكاير منا وجاي مناا..
كلت خلي اشويه يحس مامخذني خدامه لهله
رجعت الصينيه بل مطبخ ومشيت كعدت يمهن
سمعت عمتي اتكول المرت عمي
شوفي شحاطه ع وجهه اشعجب ساكت اله حررب شو ماحجه
عمتي.. يمعوده عوفيه مايعبره حتئ.. اخذيلج كم يوم ويتزوج مايضل عليه شمحصل منه
ناار... طبعا النار شبت بضلوعي من سمعت كلامهن كمت بهمه ودبجت حيل بل كااع الكل باوع عليه...
لزمت شالي نزعته.. اختنكت... شنو يردن يزوجنه شايفاتني مو كد المسؤليه لو شنو
اهدي ناار اهددي لاتبجين.. صيري قويه ضليت اهدي بروحي احس اختنكت دخلت للحمام غسلت اباوع بل المرايه اعيوني حمر معقوله بجيت لالالالا لالالالا بس ليش صارن حمر اووف
طلعت شفت حرب كدامي باوعلي وكال
شنو هل تصرف الي سويتي كدام الكاعدين..
عفته ومشيت
كال مو احجي وياج يامره
نارر.... ههههه ضحكت على لان ابد ميصيح باسمي كله يامره لليوم مصاح اسمي كدامي ولاكدام اي احد
كتله ماسويت شي بل عكس كمت احسن من مايصير شي مايعجبك ولايعجب احد
حررب... شنو قصدج
نارر. مالي اي قصد وهسه اترخص منك عفته ومشيت وحس كلبي واج ناااار وجسمي صار حاار بس محد يفهمني الكل عبالهم اني مرته فعلا وعمتي اصيح لسه ماحبلت وكلي مصار أثمن أشهر من ازوجت....
دخلت للغرفه.. دخل وراي
كال من احجي وياج لاتعوفيني وتمشين ترئ مو كررن وجاهل كدامج
باوعت بعيونه وفتحت اعيوني ع وسعهن وبيهن ادموع وكتله حشه شيخ
ودرت وجهي مشيت للجربايه كعدت سمعت الباب انسد باوعت ماشفته ابد. فركت وجهي وحطيت اديه ع شعري وحس روحي متت حرر ضليت اصفك بديه ع حضي وقسمتي كمت، ،
غيرت ملابسي لبست دشداشه قصيره فوك من الركب لونه سوده تعلاكه وفليت شعري سحبته بل كاويه ومسحت كل مكياجي وشغلت السبلت وطفيت الضويات وجيت نمت باوعت لسكف اضلم بس ضوه السبلت بل غرفه ضعيف..... ضليت احوص بفراشي كلبي مامرتاح خاف يوزن براسه ويزوجنه لان عمتي ومرت عمي مايكعدن راحه ابد يردله بدريه.البايره بقت بس هاي عليه...
وهسه اني ليش محترك كلبي علي اشوو كلشي ماشفت منه.. واذا ازوج
لالا يزوج شنو ويجيب وحده ثانيه لاوالله غير اموت
ضلت فكره تاخذني وفكره تجيبني. اوووف استغفرالله.. شفت السبلت كلساع وفصل كمت َوكفت ع جربايه ورفعت. روحي بطراف اصابيعي حتى اشوف السبلت بارد... ماشفت بس الضوء اشتغل باوعت شفت حرب واكف بل باب وأيده ع دكمه مال كهرباء وصافن.. باوعتله كبل دنك وكال
شكاعد اسوين بويه
كتله السبلت كلساع وفصل مادري شبي
كال انزلي هسه اشوفه
نزلت شفته صافن ع صدري وعركان كلت هذا شبي صافن
باوعت الصدري شفته الدكم كله مفتوحه وصدري طالع كبل دكمت الدكم ومشيت لبست روب
باوعتله كبل مسح كصته وراح حط غراضه ع ميز وجه شاف السبلت
كال مابي شي لان الكهرباء ضعيفه يفصل
كتله ماشي
لبست شالي اريد اطلع كال
وين رايحه
كتله الحجيه اتريدني... باوعلي واشر بيده بمعناه روحي
نزلت.. وكلبي يدك ع سريع ليش مادري..
معقوله يدك من ورا وسوالي حتى يرجف كلبي علي... مشيت نزلت
دكيت الباب ع حجيه سمعته كالت دشي حبوبه (ادخلي)
دخلت لكيته كاعد اسبح ويم راسه دولكه ماي والسجاده ولافه راسه بل عصابه
اجيت كعدت يمه
كتله هاا حجيه كلتي عدي شغله وياج محتاجه شي
كالت اي حبوبه أريدج اليله اتكعدين يمي نسامر انه وياج
باوعتله وضحكت ههه كتله صدك تحجين
كالت اشبيج جاا شني ولج مجذبه عليج يل صفيره
كتله لاحشه بس منو هاي الصفيره
كالت منو غيرج يسليمت البين مامنج فايده زلمه اشكبره وشعرضه ماعرفتي اشلون اتكسبي ليج
كتله حجيه انتي كلتي زلمه يعني ماكدرله لسه يفكر بمرته شسويله يرادله وكت يالله
كالت امداج ومداني ولج تردين تأخذه منج بدريه البايره وهذيج مرته ماتت وراحت يم ربهه جاا انه جبتج حتئ اباوع الطولج غير أريدج اتنسي
نارر.. ولله حجيه شفتيني قابل تلفزيون ونسي اذا هوه حاسبني غريبه جدامه
الحجيه... كون اصخونه مال مطايه مامنج فايده انتي ضلي مطفيه حتى النساوين ياخذنه منج وانتي ضلي فاتحه حلكج لهذا والذاكه
لامن حفافه ولامن صبغ ولامن كلشي جنج ابنيه بيت كومي شوفي النسواين شيسوون الزلمهن وانتي حفافه صارلج دهر ماحافه حكه مايباوع بجهرتج غيرر جنج اخو ونايم يمه
نارر.. ياا بسم الله شنو السالفه حجيه واني اصلا اميلي شعر بوجهي مشوفي اصفر مايبين وثانيه هوه مايقبل من ازوجت كال لاتحفين وجهج ولاجيسين شي لاوجهج ولاشعرج
الحجيه... ولج الطاام باجر تمشين وياي آخذج انتي وبراء واوديجن لم عدنان اتحفلجن وتصبغ شعفجن وزروقجن وجيبجن وجي شمالجن لسه فررخ ماعدنه ولا بشرتنه بي
ولج كبل جنه اذا مانحبل من ليلته يصيحونه العاكر وهسه انتن محد يكدرلجن .. كله اووي وااخ واييخ وضالين احنه.. وراجن
ناررر.. متت ع الحجيه هههه وسوالفه وضلت اتعلم بيه وتنصح وساعه تغلط وتضربني بعصته هههه وتكلي اذا مايوصلج انتي جتفي ونامي وياا هههههههه صدك ضحكتني
كتله قابل بل كوه انام ويا وضلينه وين لحد مانعست حطيت مخده يمه ونمت ع كاشي بدون افراش
حسيت واحد يمي فتحت اعيوني شفت واحد لابس كلبيه بيجي ومدنج عليه اجيت اصيح صم حلكي باوعت هذا حرب اشرلي باايده بمعناه اششش
كمت كتله شبيك
كال مابيه شي اجيت اشوف الحجيه يحجي بحده ودير وجهه عني
كتله ماشي
مشيت اريد انام صاح امشي نامي فوك لان اخوتي الصبح يجون يم الحجيه يصبحون عليه
كتله عود يصيح اذان الصبح وصعد فوك
ك
كال كتلج اصعدي فوك
وعافني وطلع...
اووف هذاا اشون بي.. شفت الحجيه جرت العصه وضربتني بيه كاالت ولج الصفيره امشي عن جهررتي شكو مكابلتني كالج اصعدي يعني اصعدي
صحتت اوووي اشبيج صبحيه شمالج
الحجيه... صبحيه بعينج يل صفيره امشي ولي يله لابارك الله بيجن خلاجين(بنات تالي وكت) تالي وكت مامنج فايده بس اشلعن مرارتي وتيبسن ريجي (ريكي)..
مشيت صعدت فووك لكيت الغرفه بارده والساعه بل 2 بليل شفت حرب جاي يكلب بل موبايل ويشرب جكاير.. صابني الفضول ويامن جاي يحجي
نزعت الروب وحطيت عطر وجيت اريد انام بس عيني ماتاخذ نوم
اريد اشوف ويامن يحجي..
بس ماعندي جرئه اسئله استحي... شفته
صااح نامي بويه مو زين السهر عليج
باوعتله... وكتله بويه اريد اسئلك شي
باوع عليا بستغرب كال احجي
كتله ويامن تحجي
التفت عليه بعصبيه.. وكال مايخصج نامي
دنكت وره اشويه كتله تصبح على خير
اريد انام وسمعته يضحك بسكوت كبل باوعت على اختفت الضحكه.... رجف كلبي معقوله ضحك لو اني يتهيئلي ضليت احجي بيني وبين روحي لصبح... سمعت حركه يمي.. واحد يشتم ويغلط ابينه وبين روحه ويلبس بل غتره ويعدل باوعت على بستغراب يلبس ويباواعلي من المرايه صحصحت شفت روحي الدشداشه صاعده لفوك وطالع ال.... وصدري كله طالع وشعري منثور ع مخده باوعت ع روحي كبل طفرت
باوعت على عصبي طلع وركع الباب حييل.. خفت منه
بس اني اشمدريني نومي عبث
رحت للحمام سبحت وبدلت لبست دشداشه فستقي وبينه ورد نيلي ولبست شال نيلي وتعطرت وحطيت مكياج خفيف ونزلت
صبحت ع كاعدين وبوست أدين الحجيه عمتي ومرت عمي من وره خشمهن ردن عليا شفت بدريه جايه لينه وشون اتنضف وتعدل
عود شوفوني اني نادره ماهتمين اله طكيت بيضه ولفيته بصمونه وصبيت جاي وكعدت اكل..
كالت عمتي نار خلصي وطلعي نضفي الحدايق كله وغسلي الطوارم والمضيف نضفي هم
كاعده اهز برجلي كتله تدللين عمه
باوعتلي باعجااب وعوجت حلكه..
كالتله بدريه وراه سالفه هاي الصفيره.. لاتفرحين بيه
كتله انتي بله اسكتي لاتدخلين ابيني وبين عمتي رجائااا
بدريه... ولج احجي عدل وياي مو بكدج وتحاجيني هجي
نارر. يعني تتعرفين روحج انتي بكد امي وماتكعدين راحه
بدريه.. اتادبي اشفتيني نايمه ويه زلم
نارر... حشه خاله ماكلت هيج ليش اتهمين نفس جنت احجي وياه بمياعه وبرررد
بدريه... بس اني ماعدي حجي وياج اريد اشوف زلمتج يقبل بهل حجي مالتج
نارر.. محجيت شي خاله
بدريه... وخلاله التخلخل اعضامج انشالله
نارر.. ضحكت. عفته، ،وطلعت بره انضف بل حدايق وحاطه ام بي ثري باذاني اسمع ونضف ودندن ابيني وبين نفسي...... اسمع صيااح وعيااط بس مااا عبالي عدنه بل بيت عبالي بل اغنيه ماشفت ايد جررتني حييييل والوجه صاير ينكط شرار....
يتتتتتبببببع
