البارت 1
وداد ....هذا اسمي بس اهلي يدلعوني وده ...كان عمري اربعطعش سنه طالبه بالمتوسطة بس كنت كسلانه ما اعرف شلون نجحت ووصلت للثالث متوسط انولدت بعائله عشائرية امي انسانه بسيطه لاتقره ولاتكتب كل همها الشرف والصلاه والصوم بت شيوخ تحكمها العادات والتقاليد .....
أبويه يصير ابن عم امي ...وابن العم البنت العم وخيرنا ميروح الغيرنا...ابويه صعب جدا وميتفاهم وحدي وميحب أحد يكسر اهلي من الجنوب بس أبويه سكن بغداد اخذ ورث ابوه واشتغل هناك وسكن وزوج امي وخلفونا بغداد.....
عايشين بأحد أحياء بغداد الراقيه والجميله سيارات حديثه وبيت قصر والحياة زاهيه النا ....
امي كانت العبده المطيعه لابوي خادمه مترفض اي طلب ولاحتى اجادل ...تخاف منه ..ومتقبل اي واحد يعانده أو يحچي گدامه ....كان من يجي من شغله ...تحضرله الغده وتخلي گدامه هو يگعد ع الكرسي وطبلة الاكل گدامه وهي تگعد يم رجليه لحد ميخلص تاكل الاكل الزاد منه ....
عمري مشفتها خلت النفسها اكل بماعون دائما تاكل الاكل الي يضل من أبويه....
أبويه يطلع الصبح الساعه ثمانيه الصبح ....وامي كالمعتاد تشتغل بالبيت واختي تجيها السياره تاخذها ع المعهد مال المعلمات وأخويه الچبير ساجد كان بصف سادس علمي ...وإني وداد وأخويه ماجد توأم چنا بصف ثالث متوسط ...اني وماجد صحيح توم بس كنا كل واحد بوادي هو مثل أبويه متعصب وشكوكي وظالم ....أما ساجد هو روحي هادئ ومتفهم وطيب ...وسعاد اختي طيبه ومسالمه وحبابه ومخطوبه لابن عمي سامي .....
يوميه الصبح نطلع للمدرسه اني وأخويه ماجد مرات نمشي مشي من تكون السياره ما موجوده ومرات يجي السايق ياخذنه .... بالسياره....
كنت افرح من امشي لأن كان يلاگينا ابن جيرانه ماهر اني كنت اموت من اشوفه لأن كان حلو ومرتب ومن اشوفه ما اعرف شيصير بيه اصخن ويصير عندي خفقان وارجف كان يمشي ويانه هو أكبر من عدنا ويداوم بكلية القانون بس هو صديق اخويه ماجد ويحبه ودائما يگعد وياه بالباب لو بالگهوه
چنت من اشوفه احس هو يراقبني ويباوعلي ...بس اني كنت ما اجرأ اباوع بوجهه لان خجوله واستحي واخاف من هذا المعقد اخويه ماجد الخبل بس مرات اسرق النظرات واشوفه يباوعلي ويبتسم ويغمزلي .....
بس من نرجع من الدوام نطلع قبله وهو يرجع متأخر الظهريه بس اني كنت اشوفه من شباك غرفتي الي فوك اشوفه من يرجع من الدوام .....
ماكنت احب القرايه والدراسه بس اخلص غده اصعد فوگ واگعد اباوع افلام مصريه شاديه عبد الحليم رشدي اباظه اگعد اتخيل نفسي بطله وگاعده بحضن رشدي اباظه لو فريد الاطرش ....لو مرات اجيب مگص واگص ملابسي واسويها مشلتحه مثل ملابس الراقصات المصريه واشغل المسجل وارگص بس شلون رگص احسن راقصه متلحگني جسمي مفصل تفصال وشعري ذهبي وعيوني عسلي وبيضه ....
كنت اميل الرقص والغناء والوكاحه منفتحه ع الدنيا وبالليل شويه أقره وانام ....والصبح يگعدوني بالدفرات لان مخلصه الليل كله سهر اباوع من الشباك اشوف ماهر من يجي يگعد يم ماجد وساجد بالحديقه لو اباوعله من يگعد بحديقتهم وابقى لحد ميدخل للبيت .....
_صباح الخير يمه ...
_صباح الخير والعافيه بنيتي ....
_شو البابا ماكو ....
_مسافر يمه كم يوم ويرجع....
_هاااا
_صباح الخير ...
_هلا يمه سعاد....
_اريد ريوگ بعد ما الحگ ع الدوام راح تجي سيارة المعهد ....
_وين ماجد تأخرنا لازم نروح ....
_صباح الخير ....يمه
_صباح العافيه يمه مجودي ...اگعد اكلك لگمه ...
_لايمه ما اشتهي اريد اروح ....يله ولچ خلصي حتى نمشي ...
_جوعانه اريد اكل ....
_گومي بسرعه تاكلين سم ...
_سم يسمك....
_هاااا شبيكم واحد ينطي للثاني متستحون من امكم....
_يوووووووه متشوفي گوره وگوري ....
_عيب ولچ هذا اخوج لازم تحترمي يله گومي بسرعه ..
طلعنا من الباب واني مدنگه ممنتبهه وچان انضرب بواحد حسيت بصدره دافئ بقيت لازگه بي لان عرفته من عطره اصلا دخت بس فزيت على صوت ماجد ....
_هاي شبيج ولچ عميه منشوفين .....
_هاا ....شگد عيب اسفه ممنتبهه ....
اعتذر مشفتك....
_لا مصار شي اني اخوچ....
_بگلبي كلها اخوتي الا انت اني احبك يا مطي يا اهبل ....
بصوت عالي ونعم الاخ....
مشينا للمدرسه وإني دايخه بعطره يمه كتلني عطره يخبل راح اموت دخلت ع المدرسه ممنتبهه ع الدروس المدرسه تشرح وإني بغير عالم ...بالفرصه ....
حاچتني صديقتي ورده....
_هاا ولچ شو مدولغه وصافنه ...شبيج اليوم ...
_اسكتي لا تفززيني خليني بالحلم ....
_اخ يمه سولفي ولچ....بسرعه
_ولج شفته وتضاربنا اني وياه وشتميت عطره فقدت ولچ
_يمممممه هنيالچ الحب حلو ....
_ولج ياحلو اصلا يدوخ يعذب يمرمر اوف يمه .....
علاقتي بأخويه ماجد مثل علاقة الفاره والبزون منتراهم ابد هو شكوكي من اقل شي يعصب ويعيط كنت اكرهه وأكره حتى شوفته بالبيت ...ومرات اخاف منه بالذات من اشوفه بأيده سچينه ويلعب بيها احس يريد يكتلني.. مرات من ادخل غرفته انظفها ويه اختي سعاد اخاف احسها مال واحد ميت متروسه كتب دين وادعيه وع الحيطان معلك سكاكين بكل الانواع مخليها عرض بس اكثر شي كان يحبه سكينه هداها اله ماهر دائما يهتم بيها ....ومره من المرات دخلت غرفته انظفها شفتها گعدت العب .. دخل هو فجأه وشافني ....
_شسوين هنا ....
_كولشي ما اسوي انظف غير .. .
_وشبيج تگوليها من وره خشمچ ..ها ماعاجبچ...
_وخر خلي اكمل شغل ...
_ذبي السچين لا اخليها تلعب على رگبتچ...ههه..
_شنو اصلا ما اخاف منك انت بزونه متخاف منك هم تريد تحچي ...
_والله اشوفها بيوم من الايام تلعب على رگبتچ...
_ولي ولي عابتلك أرعن مسودن...
عفته ونزلت بس اني ولا نقطة دم بجسمي من الخوف مرعوبه هذا المسودن يسويها ....شفت أبويه دخل البيت ركضت عليه تلگيته بوست أيده ...
طلب مني اروح اصيح....
_بابا امي بالحمام گول اني اسويلك شتريد ...
_تعاي نزعيني حذائي تعبان....
_صار من عيوني ....
نزعته حذائه وأخذت الچاكيت مالته علگتها بالكنتور وجبتله مي ....گلي شغلي التلفزيون ...
_هلا عيوني ابو ساجد ....
_هلا بيچ وهيبه شكو ماكو ..
_ماكو شي عيوني انت اصبلك غده ...اسويلك چاي ..
_لا ما اشتهي بس حضري ملابس وخليهن بجنطه لان ناوي على سفر للموصل اني وكم واحد من جماعتي ...اطلع بالليل ..
_صار هسه دقايق والجنطه جاهزه....گدامك...
_اريدچ تنتبهين ع البيت وع البنات وبذات على وداد هاي بدت تكبر وتحله وعيون الناس عليها اني هاي السنه اذا مانجحت ازوجها لابن عمها انطيها ل محمد احسن شلي. بدوخة الرأس...
_مثل متحب عيوني شتفصل أحنه نلبس .....
من سمعت أبويه يگول لامي ازوجها ابن عمها صارت عيوني بگصتي عوع اي والله اني ازوج هذا المطفي الاحول كش شنو خلصت الرياجيل قابل والله اموت وما اخذه ....اعوف ماهر وازوج هذا يمه يمه ...
صعدت على غرفتي وطفيت الضوه ورفعت البرده گعدت اباوع على ماهر من الشباك شفته گاعد ويه ماجد بقت عيني عليه الحد ما دخل البيتهم اكلته اكل بعيوني ....
رجعت گعدت على چربايتي اگلب بالكتب اتذكرت عندي امتحان رياضيات فتحت الكتاب كولشي ممفتهمه منه وهالمره المدرسه مواعدتني اذا ما تنجح ما ادخل بكالوريا وإني لو اموت ما انجح ....شلون هسه ....فكرت شويه بعدها تذكرت باچر اغش على سوسن هاي شاطره ومحد يگدرلها ...
نعست ونمت ..ولصبح ما گعدت اله من سمعت صوت اختي سعاد ادگولي گومي مابقه وقت للدوام ...
گعدت ركض ركض غسلت وجهي وبدلت ونزلت لگيت السايق واگف بالباب ...وماجد گالب خلقته وساجد يسولف ويه ماهر ويضحك ....
سلمت عليهم وصعدت بالسياره ..ماجد أصر ماهر يصعد وبأنه اني طرت من الفرح تمنيت يگعد يمي بس هو گعد بالصدر وماجد وساجد گعدوا يمي ....
طول الطريق يباوعلي يسرق نظرات اني من اشوفه يباوعلي اتخبل گلبي يدگ بسرعه واتخربط وارجف ....
ابقه دايخه ...
وصلت للمدرسه تلگتني ورده تركض....
_صباح الخير وده حافظه للامتحان ...لو مثلي ...
_مثلچ فتحت الكتاب كلشي ممفتهمه من الجبر صعب المعادلات ما اعرف شلون احفظها....
_اني هم هچي
_اني راح اغش على سوسن هاي ذكيه وشاطره ...
_من تحلين عليها رديلي ....
_هي وينها خل اشوفها وافهمها.....
_هياتها بالساحه....سوسن ...سوسن...
_نعم خير ....
_خير اليصيبج اريد اغش عليج ....
_نعم نعم شنو مو اني الفگريه والمطفيه والجوعيه ....
_اهووووو ياحچايه ردي المكانچ ...هاي شبيچ معقوله انتي تزعلين مني ...
_شوفي عيني اني ما اغششچ اي اخاف المدرسه تلگفني ...
_هاااا هيچ صارت ....بسيطه اني اعلمچ....
_يمه يمه خفت ....اوي كساله..
_بس بس دگ الجرص خلي ندخل للصف نمتحن بس والله اله ابصطها واصيح حظها....عوفيها عليه...
دخلت ست وحيده ام الرياضيات ...تسأل محضرات قاريات لو كولشي ماكو .... هاي الاسئله كتبتها انتبهن عليه وحلن زين ولا تنسن نصف الجواب بمنطوق السؤال .....باوعت ع الاسئله دخت وخفت صعبه وما ادبرها باوعت على سوسن وجماعتها يجاوبن وإني واتباعي كولشي ماكو .....خلص الدرس سلمت الورقه فارغه ماكو جواب .....
شفت المدرسه تهز بأيدها وتعيب شطت نار ردت اتفل على وجها بس خفت توديني للمديره......طلعنا بالفرصه دورت على ورده ....
_هااا ولچ جاوبتي.....
_لا والله ولا سؤال بس نقطتين ذني عرفتهن وانتي ...
_ولا نقطه اصلا الورقه بيضه...
_ياااااا صدوگ....
_مثل ما اگولچ....هسه اريدج تسحلين سوسن وره الحمامات اريد ابصطها ..
_هسه خل أصيح هيام تقشمرها .....هيام تعالي جاي ....
_هااا وروده خير ....
_شوفي هيام اريد تقشمرين سوسن ادگوليلها عندي شغله وياج وتاخذيها وره الحمامات ....ومعليج بالباقي ....
_فريره هسه ....ماطول الدرس شاغر .....
بقيت اني وورده نراقب ونباوع على هيام وهي تجرجر سوسن وره الحمامات
رحننه وراها ....
_هاا هيام شنو شغلتج وليش هنا تسولفيها ....
_روحي هيام خلص دورچ ... .
_شنو هاي شتريدن مني هاااا هسه اصيح البنات يجيبن المديره عليچن ....
_مديره هسه اراويچ ....شسوي بيچ وخلي المديره تفيدچ...
لزمناها گطعناها تگطع وكسرت واحد من سنونها ومزگت صدريتها وخليتهة حال الضيم حالها وعفناها تبچي وره الحمامات ....ورجعنا ع الصف....
واحنه گاعدين بالصف چانت ست اقبال تشرح الدرس مال القواعد ....اجت الفراشه تصيحنا اني وورده ....عرفنا سوسن مشتكيه بس معقوله هاي مسويتها ....هاي هددتها وهي تخاف .....
دخلنا على ست كريمه المديره واحنه خايفات لزمتنا ضربتنا كل وحده اربع عودات ....وگالت باچر متجن اله أولياء الأمور وياچن .....
رجعت للبيت وإني الخوف كاتلني لان ادري اذا عرفوا بهاي السالفه ميسكتون بقيت طول الطريق اكل بروحي شلون تخلص شلون راح اگللهم ماجد يمشي گدامي وإني ممنتبهه امشي وافكر
منتبهت عليه وهو يصيحني ......فجأه سمعت صوت عالي يصيح شبيچ طرمه انتي صار ساعه أصيح امشي بسرعه
من سمعته تخربطت حتى بمشيتي هذا اذا سمع اني راسبه ومحاولة غش وضاربه الابنيه يتخبل ويكتلني اني شجبت الروحي من مشكله شلون سالفه سويتها مابيها خير ....
دخلنا للبيت شفت امي مخليه صونده وترش بالحديقه مي ودخلت ورانه سعاد ....دخلت من باب المطبخ لگيتها طابخه دولمه والفاكهه وإني جوعانه ....گلت خلي اكل وبعدها يصير الي يصير ....
بدلت ملابسي وغسلت ونزلت اتغده ...
_اي يمه باچر يردون ولي الأمر يحضر للمدرسه ....
_ليش شمسويه ...
_اكيد كسلانه ....لو شو شمسويه هاي اعرفها...
_انچب انت معليك ...لتدخل ...
_والله لو مو امي گاعده چنت اگطعچ بصونده....
_تگطعني شنو تايهتلك شو انت شايف نفسك عليه شمسويتلك اني...
_هاااا اسكتوا واتغدوا باجر اشوف السالفه اخلي سعاد تروح وتفتهم السالفه ....يلا اتغدوا وروحوا اقروا....
اني من سمعت سعاد گلت هينه اگدر اقشمرها وتسكت.....
بعدنه ممكملين غده سمعنا هورن السياره عرفنا أبويه اجه گمنا كلنا نتلاگاه بس هو ما دار بال طب سبح وغير ملابسه وگال لامي حضري جنطة ملابس چبيره اريد اسافر ومطول بسفري شويه حسبة عشرين يوم .....
أبويه كل أصدقائه من ذوله الحزبيه الكبار الرفاق والضباط وكانت بوقتها حرب إيران
كل گعداته وحفلاته كانت بالقصور والمزارع ...العصريه طلع بابا ...وإني بغرفتي كالعاده أراقب من الشباك ....شفت امي لبست عبايتها وطلعت راحت على بيت ام نعمه الي يمنه هي تصير ام ماهر صديقتها وتموت عليها لان مثلها بت عرب ويتوالمن سلمت على ماهر ودخلت البيتهم ......
شفتها خلي انزل للحديقه بلكي اگدر اشوفه اقرب ويشوفني نزلت والكتاب بأيدي بحجة أقره چان اسمع صوت من الحايط
يصيح....
_بس بس ياحلوه....
_هااا خاله تفضلي ...
_خاله انطيني الفرشه مالتنه وگعت عليكم من فدوه العينچ ...
_اي خاله هسه ...هياته ..؟
_شكرا بعد عمري أن شاء الله اشوفج دكتوره ....
_هلا بيچ خاله.....
هاي جارتنه سميره خاتون المنطقة كلها تحچي عليها وتأخذ بعرضها يگولون عليها موزينه وتشتغل بالليل وجيب رياجيل وتجي البيتها ...بس هي متهتم وصاحبة اللسان حلو ...
امي چانت تموت منها ومتقبل نحچي وياها ...يمكن تغار منها لان حلوه و زغيره....وعايشه بوحدها...
من صار الليل تذكرت باجر والي راح يصير شلون بيه هاي مصيبه شيخلصني ....
الصبح سويت روحي مريضه بلاعيمي واگح بس اختي گالت ميخالف ترحين وياي اخذلچ اجازه واشوف المديره شتريد...
وصلنا ع المدرسه لگيت ام ورده وام سوسن گاعدات وسوسن وورده واگفات يباوعن ع المديره .....
دخلت اختي .... سلمت علىيها وگعدت .. بصفهن ...وإني وگفت....
_ممكن نفتهم شنو الموضوع مستدعين أولياء الأمور ....
_بالبدايه احب اگوللكم ورده ووداد كسلانات ويغشن وفوگاها الابنيه مموافقه تغششهن ضارباتها ومزگات ملابسها طبعا كل البله من وداد هي تخطط وهي تجرجر بالبنات ومسويه عصابه فوگ كسلها ...
_ست معقوله اختي متربيه وماعدها هالتصرفات وتخاف ...
_اي معقوله واكثر اكو مراقبه سريه شهدت واكو بنيه تشتغل وياهن هم شهدت وگالت طلبن مني اجيب سوسن وره الحمامات حتى يبصطنها ....
وغيره وغيره ...بتكم مامؤدبه وغشاشه وكسلانه بطلوها احسن ....وزوجوها المدرسه متفيدها.....
.....طبعا اختي من سمعت الحچي خطيه وجهه بده ينطي الوان وماعرفت شجاوب المديره بس تعتذر وتتأسف طلعتوني وياها للبيت....
من وصلنا استلمتني رزايل واهانات..
_ادبسزز حقيره هم كسلانه وهم تغشين وانوب مسويه عصابه بالمدرسه ولچ شلون التاليه وياچ.يعني لا فالحه بدراسه ولا بشي بس حاطه التلفزيون وتتمرگصين ...
طاحتلي كفخات وضرب توبتني عيشتي دخل ماجد لگاها تصيحلي الكسولي ام الغش الفاشله ....
هو لگاها فرصه هم گعد يضربني ووين التوجعني لحد ما شال انعاله وضربني على حلگي ...وضربني بوكس على عيني...
من گد ما ضربوني شبعت بچي گطعت روحي وشما اصيح يزيدون بالضرب اكثر واكثر ...
عافوني وطلعوا.....
_يمه ماخرب بتچ هاي غير المدرسه والتلفزيون الي تتمرگص عليه النهار كله. ..
_اسكت مجودي لتزبگ خلي الأكبر منك يحچي انت مو لگيتها فرصه ...
_السلام عليكم . شلونكم شو مجتمعين خير ..مو عوايدكم
_وعليكم السلام ...يمه تعال شوف حل ويه اختك وداد كسلانه وتغش بالدروس وفوگاها تضرب بالبنات...
_اي والحل شنو ...
_لزمتها بصطتها اني وماجد هذا الحل هاي كولشي يطلع منها ..وكحه...
_بشرفكم هذا حل ...هاي طفله مراهقه متگدر تتحكم بتصرفاتها أقصى أحلامها حاليا امير على فرس بيضه ...الضرب ميجيب نتيجه اگعدوا سولفوا وياها اعرفوها شبيها شتريد مو تضربوها.....
_ولك هو منو فارغ كلنا دوام وتعبانين ....
_ميخالف يمه اصعدي سولفي
وداد ....هذا اسمي بس اهلي يدلعوني وده ...كان عمري اربعطعش سنه طالبه بالمتوسطة بس كنت كسلانه ما اعرف شلون نجحت ووصلت للثالث متوسط انولدت بعائله عشائرية امي انسانه بسيطه لاتقره ولاتكتب كل همها الشرف والصلاه والصوم بت شيوخ تحكمها العادات والتقاليد .....
أبويه يصير ابن عم امي ...وابن العم البنت العم وخيرنا ميروح الغيرنا...ابويه صعب جدا وميتفاهم وحدي وميحب أحد يكسر اهلي من الجنوب بس أبويه سكن بغداد اخذ ورث ابوه واشتغل هناك وسكن وزوج امي وخلفونا بغداد.....
عايشين بأحد أحياء بغداد الراقيه والجميله سيارات حديثه وبيت قصر والحياة زاهيه النا ....
امي كانت العبده المطيعه لابوي خادمه مترفض اي طلب ولاحتى اجادل ...تخاف منه ..ومتقبل اي واحد يعانده أو يحچي گدامه ....كان من يجي من شغله ...تحضرله الغده وتخلي گدامه هو يگعد ع الكرسي وطبلة الاكل گدامه وهي تگعد يم رجليه لحد ميخلص تاكل الاكل الزاد منه ....
عمري مشفتها خلت النفسها اكل بماعون دائما تاكل الاكل الي يضل من أبويه....
أبويه يطلع الصبح الساعه ثمانيه الصبح ....وامي كالمعتاد تشتغل بالبيت واختي تجيها السياره تاخذها ع المعهد مال المعلمات وأخويه الچبير ساجد كان بصف سادس علمي ...وإني وداد وأخويه ماجد توأم چنا بصف ثالث متوسط ...اني وماجد صحيح توم بس كنا كل واحد بوادي هو مثل أبويه متعصب وشكوكي وظالم ....أما ساجد هو روحي هادئ ومتفهم وطيب ...وسعاد اختي طيبه ومسالمه وحبابه ومخطوبه لابن عمي سامي .....
يوميه الصبح نطلع للمدرسه اني وأخويه ماجد مرات نمشي مشي من تكون السياره ما موجوده ومرات يجي السايق ياخذنه .... بالسياره....
كنت افرح من امشي لأن كان يلاگينا ابن جيرانه ماهر اني كنت اموت من اشوفه لأن كان حلو ومرتب ومن اشوفه ما اعرف شيصير بيه اصخن ويصير عندي خفقان وارجف كان يمشي ويانه هو أكبر من عدنا ويداوم بكلية القانون بس هو صديق اخويه ماجد ويحبه ودائما يگعد وياه بالباب لو بالگهوه
چنت من اشوفه احس هو يراقبني ويباوعلي ...بس اني كنت ما اجرأ اباوع بوجهه لان خجوله واستحي واخاف من هذا المعقد اخويه ماجد الخبل بس مرات اسرق النظرات واشوفه يباوعلي ويبتسم ويغمزلي .....
بس من نرجع من الدوام نطلع قبله وهو يرجع متأخر الظهريه بس اني كنت اشوفه من شباك غرفتي الي فوك اشوفه من يرجع من الدوام .....
ماكنت احب القرايه والدراسه بس اخلص غده اصعد فوگ واگعد اباوع افلام مصريه شاديه عبد الحليم رشدي اباظه اگعد اتخيل نفسي بطله وگاعده بحضن رشدي اباظه لو فريد الاطرش ....لو مرات اجيب مگص واگص ملابسي واسويها مشلتحه مثل ملابس الراقصات المصريه واشغل المسجل وارگص بس شلون رگص احسن راقصه متلحگني جسمي مفصل تفصال وشعري ذهبي وعيوني عسلي وبيضه ....
كنت اميل الرقص والغناء والوكاحه منفتحه ع الدنيا وبالليل شويه أقره وانام ....والصبح يگعدوني بالدفرات لان مخلصه الليل كله سهر اباوع من الشباك اشوف ماهر من يجي يگعد يم ماجد وساجد بالحديقه لو اباوعله من يگعد بحديقتهم وابقى لحد ميدخل للبيت .....
_صباح الخير يمه ...
_صباح الخير والعافيه بنيتي ....
_شو البابا ماكو ....
_مسافر يمه كم يوم ويرجع....
_هاااا
_صباح الخير ...
_هلا يمه سعاد....
_اريد ريوگ بعد ما الحگ ع الدوام راح تجي سيارة المعهد ....
_وين ماجد تأخرنا لازم نروح ....
_صباح الخير ....يمه
_صباح العافيه يمه مجودي ...اگعد اكلك لگمه ...
_لايمه ما اشتهي اريد اروح ....يله ولچ خلصي حتى نمشي ...
_جوعانه اريد اكل ....
_گومي بسرعه تاكلين سم ...
_سم يسمك....
_هاااا شبيكم واحد ينطي للثاني متستحون من امكم....
_يوووووووه متشوفي گوره وگوري ....
_عيب ولچ هذا اخوج لازم تحترمي يله گومي بسرعه ..
طلعنا من الباب واني مدنگه ممنتبهه وچان انضرب بواحد حسيت بصدره دافئ بقيت لازگه بي لان عرفته من عطره اصلا دخت بس فزيت على صوت ماجد ....
_هاي شبيج ولچ عميه منشوفين .....
_هاا ....شگد عيب اسفه ممنتبهه ....
اعتذر مشفتك....
_لا مصار شي اني اخوچ....
_بگلبي كلها اخوتي الا انت اني احبك يا مطي يا اهبل ....
بصوت عالي ونعم الاخ....
مشينا للمدرسه وإني دايخه بعطره يمه كتلني عطره يخبل راح اموت دخلت ع المدرسه ممنتبهه ع الدروس المدرسه تشرح وإني بغير عالم ...بالفرصه ....
حاچتني صديقتي ورده....
_هاا ولچ شو مدولغه وصافنه ...شبيج اليوم ...
_اسكتي لا تفززيني خليني بالحلم ....
_اخ يمه سولفي ولچ....بسرعه
_ولج شفته وتضاربنا اني وياه وشتميت عطره فقدت ولچ
_يمممممه هنيالچ الحب حلو ....
_ولج ياحلو اصلا يدوخ يعذب يمرمر اوف يمه .....
علاقتي بأخويه ماجد مثل علاقة الفاره والبزون منتراهم ابد هو شكوكي من اقل شي يعصب ويعيط كنت اكرهه وأكره حتى شوفته بالبيت ...ومرات اخاف منه بالذات من اشوفه بأيده سچينه ويلعب بيها احس يريد يكتلني.. مرات من ادخل غرفته انظفها ويه اختي سعاد اخاف احسها مال واحد ميت متروسه كتب دين وادعيه وع الحيطان معلك سكاكين بكل الانواع مخليها عرض بس اكثر شي كان يحبه سكينه هداها اله ماهر دائما يهتم بيها ....ومره من المرات دخلت غرفته انظفها شفتها گعدت العب .. دخل هو فجأه وشافني ....
_شسوين هنا ....
_كولشي ما اسوي انظف غير .. .
_وشبيج تگوليها من وره خشمچ ..ها ماعاجبچ...
_وخر خلي اكمل شغل ...
_ذبي السچين لا اخليها تلعب على رگبتچ...ههه..
_شنو اصلا ما اخاف منك انت بزونه متخاف منك هم تريد تحچي ...
_والله اشوفها بيوم من الايام تلعب على رگبتچ...
_ولي ولي عابتلك أرعن مسودن...
عفته ونزلت بس اني ولا نقطة دم بجسمي من الخوف مرعوبه هذا المسودن يسويها ....شفت أبويه دخل البيت ركضت عليه تلگيته بوست أيده ...
طلب مني اروح اصيح....
_بابا امي بالحمام گول اني اسويلك شتريد ...
_تعاي نزعيني حذائي تعبان....
_صار من عيوني ....
نزعته حذائه وأخذت الچاكيت مالته علگتها بالكنتور وجبتله مي ....گلي شغلي التلفزيون ...
_هلا عيوني ابو ساجد ....
_هلا بيچ وهيبه شكو ماكو ..
_ماكو شي عيوني انت اصبلك غده ...اسويلك چاي ..
_لا ما اشتهي بس حضري ملابس وخليهن بجنطه لان ناوي على سفر للموصل اني وكم واحد من جماعتي ...اطلع بالليل ..
_صار هسه دقايق والجنطه جاهزه....گدامك...
_اريدچ تنتبهين ع البيت وع البنات وبذات على وداد هاي بدت تكبر وتحله وعيون الناس عليها اني هاي السنه اذا مانجحت ازوجها لابن عمها انطيها ل محمد احسن شلي. بدوخة الرأس...
_مثل متحب عيوني شتفصل أحنه نلبس .....
من سمعت أبويه يگول لامي ازوجها ابن عمها صارت عيوني بگصتي عوع اي والله اني ازوج هذا المطفي الاحول كش شنو خلصت الرياجيل قابل والله اموت وما اخذه ....اعوف ماهر وازوج هذا يمه يمه ...
صعدت على غرفتي وطفيت الضوه ورفعت البرده گعدت اباوع على ماهر من الشباك شفته گاعد ويه ماجد بقت عيني عليه الحد ما دخل البيتهم اكلته اكل بعيوني ....
رجعت گعدت على چربايتي اگلب بالكتب اتذكرت عندي امتحان رياضيات فتحت الكتاب كولشي ممفتهمه منه وهالمره المدرسه مواعدتني اذا ما تنجح ما ادخل بكالوريا وإني لو اموت ما انجح ....شلون هسه ....فكرت شويه بعدها تذكرت باچر اغش على سوسن هاي شاطره ومحد يگدرلها ...
نعست ونمت ..ولصبح ما گعدت اله من سمعت صوت اختي سعاد ادگولي گومي مابقه وقت للدوام ...
گعدت ركض ركض غسلت وجهي وبدلت ونزلت لگيت السايق واگف بالباب ...وماجد گالب خلقته وساجد يسولف ويه ماهر ويضحك ....
سلمت عليهم وصعدت بالسياره ..ماجد أصر ماهر يصعد وبأنه اني طرت من الفرح تمنيت يگعد يمي بس هو گعد بالصدر وماجد وساجد گعدوا يمي ....
طول الطريق يباوعلي يسرق نظرات اني من اشوفه يباوعلي اتخبل گلبي يدگ بسرعه واتخربط وارجف ....
ابقه دايخه ...
وصلت للمدرسه تلگتني ورده تركض....
_صباح الخير وده حافظه للامتحان ...لو مثلي ...
_مثلچ فتحت الكتاب كلشي ممفتهمه من الجبر صعب المعادلات ما اعرف شلون احفظها....
_اني هم هچي
_اني راح اغش على سوسن هاي ذكيه وشاطره ...
_من تحلين عليها رديلي ....
_هي وينها خل اشوفها وافهمها.....
_هياتها بالساحه....سوسن ...سوسن...
_نعم خير ....
_خير اليصيبج اريد اغش عليج ....
_نعم نعم شنو مو اني الفگريه والمطفيه والجوعيه ....
_اهووووو ياحچايه ردي المكانچ ...هاي شبيچ معقوله انتي تزعلين مني ...
_شوفي عيني اني ما اغششچ اي اخاف المدرسه تلگفني ...
_هاااا هيچ صارت ....بسيطه اني اعلمچ....
_يمه يمه خفت ....اوي كساله..
_بس بس دگ الجرص خلي ندخل للصف نمتحن بس والله اله ابصطها واصيح حظها....عوفيها عليه...
دخلت ست وحيده ام الرياضيات ...تسأل محضرات قاريات لو كولشي ماكو .... هاي الاسئله كتبتها انتبهن عليه وحلن زين ولا تنسن نصف الجواب بمنطوق السؤال .....باوعت ع الاسئله دخت وخفت صعبه وما ادبرها باوعت على سوسن وجماعتها يجاوبن وإني واتباعي كولشي ماكو .....خلص الدرس سلمت الورقه فارغه ماكو جواب .....
شفت المدرسه تهز بأيدها وتعيب شطت نار ردت اتفل على وجها بس خفت توديني للمديره......طلعنا بالفرصه دورت على ورده ....
_هااا ولچ جاوبتي.....
_لا والله ولا سؤال بس نقطتين ذني عرفتهن وانتي ...
_ولا نقطه اصلا الورقه بيضه...
_ياااااا صدوگ....
_مثل ما اگولچ....هسه اريدج تسحلين سوسن وره الحمامات اريد ابصطها ..
_هسه خل أصيح هيام تقشمرها .....هيام تعالي جاي ....
_هااا وروده خير ....
_شوفي هيام اريد تقشمرين سوسن ادگوليلها عندي شغله وياج وتاخذيها وره الحمامات ....ومعليج بالباقي ....
_فريره هسه ....ماطول الدرس شاغر .....
بقيت اني وورده نراقب ونباوع على هيام وهي تجرجر سوسن وره الحمامات
رحننه وراها ....
_هاا هيام شنو شغلتج وليش هنا تسولفيها ....
_روحي هيام خلص دورچ ... .
_شنو هاي شتريدن مني هاااا هسه اصيح البنات يجيبن المديره عليچن ....
_مديره هسه اراويچ ....شسوي بيچ وخلي المديره تفيدچ...
لزمناها گطعناها تگطع وكسرت واحد من سنونها ومزگت صدريتها وخليتهة حال الضيم حالها وعفناها تبچي وره الحمامات ....ورجعنا ع الصف....
واحنه گاعدين بالصف چانت ست اقبال تشرح الدرس مال القواعد ....اجت الفراشه تصيحنا اني وورده ....عرفنا سوسن مشتكيه بس معقوله هاي مسويتها ....هاي هددتها وهي تخاف .....
دخلنا على ست كريمه المديره واحنه خايفات لزمتنا ضربتنا كل وحده اربع عودات ....وگالت باچر متجن اله أولياء الأمور وياچن .....
رجعت للبيت وإني الخوف كاتلني لان ادري اذا عرفوا بهاي السالفه ميسكتون بقيت طول الطريق اكل بروحي شلون تخلص شلون راح اگللهم ماجد يمشي گدامي وإني ممنتبهه امشي وافكر
منتبهت عليه وهو يصيحني ......فجأه سمعت صوت عالي يصيح شبيچ طرمه انتي صار ساعه أصيح امشي بسرعه
من سمعته تخربطت حتى بمشيتي هذا اذا سمع اني راسبه ومحاولة غش وضاربه الابنيه يتخبل ويكتلني اني شجبت الروحي من مشكله شلون سالفه سويتها مابيها خير ....
دخلنا للبيت شفت امي مخليه صونده وترش بالحديقه مي ودخلت ورانه سعاد ....دخلت من باب المطبخ لگيتها طابخه دولمه والفاكهه وإني جوعانه ....گلت خلي اكل وبعدها يصير الي يصير ....
بدلت ملابسي وغسلت ونزلت اتغده ...
_اي يمه باچر يردون ولي الأمر يحضر للمدرسه ....
_ليش شمسويه ...
_اكيد كسلانه ....لو شو شمسويه هاي اعرفها...
_انچب انت معليك ...لتدخل ...
_والله لو مو امي گاعده چنت اگطعچ بصونده....
_تگطعني شنو تايهتلك شو انت شايف نفسك عليه شمسويتلك اني...
_هاااا اسكتوا واتغدوا باجر اشوف السالفه اخلي سعاد تروح وتفتهم السالفه ....يلا اتغدوا وروحوا اقروا....
اني من سمعت سعاد گلت هينه اگدر اقشمرها وتسكت.....
بعدنه ممكملين غده سمعنا هورن السياره عرفنا أبويه اجه گمنا كلنا نتلاگاه بس هو ما دار بال طب سبح وغير ملابسه وگال لامي حضري جنطة ملابس چبيره اريد اسافر ومطول بسفري شويه حسبة عشرين يوم .....
أبويه كل أصدقائه من ذوله الحزبيه الكبار الرفاق والضباط وكانت بوقتها حرب إيران
كل گعداته وحفلاته كانت بالقصور والمزارع ...العصريه طلع بابا ...وإني بغرفتي كالعاده أراقب من الشباك ....شفت امي لبست عبايتها وطلعت راحت على بيت ام نعمه الي يمنه هي تصير ام ماهر صديقتها وتموت عليها لان مثلها بت عرب ويتوالمن سلمت على ماهر ودخلت البيتهم ......
شفتها خلي انزل للحديقه بلكي اگدر اشوفه اقرب ويشوفني نزلت والكتاب بأيدي بحجة أقره چان اسمع صوت من الحايط
يصيح....
_بس بس ياحلوه....
_هااا خاله تفضلي ...
_خاله انطيني الفرشه مالتنه وگعت عليكم من فدوه العينچ ...
_اي خاله هسه ...هياته ..؟
_شكرا بعد عمري أن شاء الله اشوفج دكتوره ....
_هلا بيچ خاله.....
هاي جارتنه سميره خاتون المنطقة كلها تحچي عليها وتأخذ بعرضها يگولون عليها موزينه وتشتغل بالليل وجيب رياجيل وتجي البيتها ...بس هي متهتم وصاحبة اللسان حلو ...
امي چانت تموت منها ومتقبل نحچي وياها ...يمكن تغار منها لان حلوه و زغيره....وعايشه بوحدها...
من صار الليل تذكرت باجر والي راح يصير شلون بيه هاي مصيبه شيخلصني ....
الصبح سويت روحي مريضه بلاعيمي واگح بس اختي گالت ميخالف ترحين وياي اخذلچ اجازه واشوف المديره شتريد...
وصلنا ع المدرسه لگيت ام ورده وام سوسن گاعدات وسوسن وورده واگفات يباوعن ع المديره .....
دخلت اختي .... سلمت علىيها وگعدت .. بصفهن ...وإني وگفت....
_ممكن نفتهم شنو الموضوع مستدعين أولياء الأمور ....
_بالبدايه احب اگوللكم ورده ووداد كسلانات ويغشن وفوگاها الابنيه مموافقه تغششهن ضارباتها ومزگات ملابسها طبعا كل البله من وداد هي تخطط وهي تجرجر بالبنات ومسويه عصابه فوگ كسلها ...
_ست معقوله اختي متربيه وماعدها هالتصرفات وتخاف ...
_اي معقوله واكثر اكو مراقبه سريه شهدت واكو بنيه تشتغل وياهن هم شهدت وگالت طلبن مني اجيب سوسن وره الحمامات حتى يبصطنها ....
وغيره وغيره ...بتكم مامؤدبه وغشاشه وكسلانه بطلوها احسن ....وزوجوها المدرسه متفيدها.....
.....طبعا اختي من سمعت الحچي خطيه وجهه بده ينطي الوان وماعرفت شجاوب المديره بس تعتذر وتتأسف طلعتوني وياها للبيت....
من وصلنا استلمتني رزايل واهانات..
_ادبسزز حقيره هم كسلانه وهم تغشين وانوب مسويه عصابه بالمدرسه ولچ شلون التاليه وياچ.يعني لا فالحه بدراسه ولا بشي بس حاطه التلفزيون وتتمرگصين ...
طاحتلي كفخات وضرب توبتني عيشتي دخل ماجد لگاها تصيحلي الكسولي ام الغش الفاشله ....
هو لگاها فرصه هم گعد يضربني ووين التوجعني لحد ما شال انعاله وضربني على حلگي ...وضربني بوكس على عيني...
من گد ما ضربوني شبعت بچي گطعت روحي وشما اصيح يزيدون بالضرب اكثر واكثر ...
عافوني وطلعوا.....
_يمه ماخرب بتچ هاي غير المدرسه والتلفزيون الي تتمرگص عليه النهار كله. ..
_اسكت مجودي لتزبگ خلي الأكبر منك يحچي انت مو لگيتها فرصه ...
_السلام عليكم . شلونكم شو مجتمعين خير ..مو عوايدكم
_وعليكم السلام ...يمه تعال شوف حل ويه اختك وداد كسلانه وتغش بالدروس وفوگاها تضرب بالبنات...
_اي والحل شنو ...
_لزمتها بصطتها اني وماجد هذا الحل هاي كولشي يطلع منها ..وكحه...
_بشرفكم هذا حل ...هاي طفله مراهقه متگدر تتحكم بتصرفاتها أقصى أحلامها حاليا امير على فرس بيضه ...الضرب ميجيب نتيجه اگعدوا سولفوا وياها اعرفوها شبيها شتريد مو تضربوها.....
_ولك هو منو فارغ كلنا دوام وتعبانين ....
_ميخالف يمه اصعدي سولفي
