بطله القصه كحلا العمر ٣٥ سنه اني اسمي كحلاء. اني الوحيده ٣اولاد. اني ازغر وحده. اني سمرا حنطيه وطويلة شعري وعيوني سر جمالي اهلي ايحبوني لان عدهم البنات قليله احنا عايشين بالكحلاء بالعماره جدي عنده ارض واسعه وعندي عمام بس اكثر عمامي خلفتهم ولد يكولون جدي داعي مااصير عدهم بنات كلمن بيته واولاده بس كولهم خريجين واصلين بس هم يزرعون بلكاع
امي من بغداد أصير بت خاله أبوي من كان بالجيش حبً امي كان يروح بيت خالته حبها. وطلب امي وازو يعني احنا رغم بالقريه بس كولهم مهندسين ومحامين. اني شبيت حلوه كلش ومدلل كلش احنا عائله البنات بيه قليل يعني اني وبنات عمي اثنين كان عمري ١٤ سنه من بلغت اخواني منوعوني من الطلعه جنت أقلد وأحب اغني بالمزرعة مالتنه وارق وانلعب اني وبنات عمي ونركص.
دخل علينه اخوي شافنه. نرقص ضربني وجر شعري وطرد بنات عمي. اني كمت اعيط إجه ابوي كتله بابا ضربني كريم أتعار اجه كريم كله بنت اتقلد الكاوليات ومسويه فرقه. ابن عمي الي شايفني . مهند هو ابن عمي الجبير مهند يدرس بكليه . بغداد. كليه اداره واقتصاد بوكتها. امي حج عليه وأبوي كالوله. براحته. انتي معليك بيها. رجع أبوي كلي بابا بعد لاطلعين ع المزرعة عندج غرفه والعبي ارقص هنجلي بيها.
انمنعت من طلعت المزرعة بس اطل ويه اهلي مرات بس مااخذ حريتي. ع فكره اني حركاتي مال ولد جنت أقلد اخواني والد عمي من جنه صغار واربي اطيور حتى مرات من يلعبون طوبه اني أصير الكولجي من. كنت اصغيره كلهم كأنو يصحولي الولد مرت الأيام خلصت ثالث متوسط اخوي حب بت عمي هند الي هي اكبر مني واجه البويه كاله اني اريد ازوج هند بابا فرح كال اليوم افاتح منذر ونقره الفاتحه من تخلص سادس تزوج
راح أبوي لبيت عمي عمي فرح كال ناخذ كحلاء لمهند وانتم جهزو كحلاء واحنا نجهز هنود فرحنا احنا تقريبا عشره ولد عّم وثلاث بنات بس اني جنت جرءه وسباعيه حتى مرات اخواني انتي ولد بس صرت ابنيه بالغلط كيفت ع العرس اني اريد بس ازوج فرحانه. وألان ا مهند احلا واحد بيت عمي طويل اسمر عيونه كحيله. بعد سنه ازوج اخو واني وابن عمي ماكو شي عادي احنا مثل لاخوان مايحجي وياي ولايجي ع البيت ولا أصلا مهتم بيه.
صار عمري ١٥ خلص مهند اتخرج. صار العرس اني صحيح مو بيضه بس اني ساحرة وجذابه صرت مثل نجوم السينما دخل عليه ابن عمي اني ارجف وفرحانه عرس
#عشگ_تالي_العمر
الجزء الثاني
كعد ع الجربايه وصافن عليه اني مستحيه منتظره اشوكت يجي يشيل البركع ويبوسني. اتخيل روحي عفاف راضي باغنيه يمكن عن بالي حبيبي 😳😳😳😳 اشو هذه هز أيده ودخل بالحمام بدل.
مهند. كالي انتي روحي بدلي والبسي ش يالله اني جمدت بدمي ظليت صافنه شنو اني بحلم بعلم
مهند : اني مو ياج انتي
كحلاء : سمعك رحت لحمام بدلت والبست سيت نوم وطلعت
مهند. هاي شمصخمه البسي شي استري روحج يالله وافرشي بالكاع وانخمدي
اني صفنت وظليت ابجي بالحمام هو نام ع الجربايه واني بقيت بالحمام ابجي. بعدين كلت خلي احجيه لازم اعرف اشبيه
كحلاء مهند اريد احجي وياك ممكن
مهند خير شسالفه. شكو
كحلاء شنو انتي ماتريدني جابريك
مهند اَي جابريني اني مااحبج وماريدج ومااطيقج
كحلاء اني جمدت بدمي مهند يالله نامي خلي اخلص الشغله يردونها مني يالله من عابت هالخلقه اني كتله لو تموت ماتوصني يانذل اشو هذه كبل ظربني بوكس ع عيني اني وكعت ماصحيت اله أمه تلطم وابوه يم راسي ويغسلون بوجي اني كعدت كمت اعيط اريد أبوي اريد امي. عمي يهدي. بيه بنتي اهدي مهند نب من مكانه شنو جايبيلي. واحده مسترجله ويردون ازوجها حتى تلعب نفسي منها اني كمت اعيط بالزايد عمي كله هاي تاج راسك بت عمك غصبن عليك تزوجها كله ماريدها لو تبقى اخر مره بالدنيا مااحبها. اني كمت اعيط. والطم كأم عمي جر المسدس رمه عليه هو كبل طلع من البيت مالهم عمي كله ماشوف خلقتك متبرئ منك الى يوم الدين.
بقت ادك ع راسي وعيني تنزف دم اجوي ولد عمي شالوني وغسلو عيني ومرت عمي مكابلتني وتبجي. ماحس ال دخلت ابوي وامي هااااااا شنو صاير خيركم شنو. اشبيكم. اني صرخت حيل. بابا خلصني. ابوي كال لاعمي شبيكم كحلاء اشبيها. عمي كله خويه اعذرني ابني طلع دوني ابوي شنو فهمني عمي أخذ ابوي الغير ماكان وراحو. امي كابلتني وشكت ثوبها وكامت تلطم. واصيح يمه. ع اخذوني ابوي وامي لبيتنه لفوني بالعبايه ورجعت مكسوره مهضومه عينه موره ماشوف بيه شي.
#عشگ_تالي_العمر
دخلت لكيت اخوتي ملتمين كلمن اسلاحه ويباعون عليه بنظره حقد وغضب ابوي صاح ولكم ليش هيج اتعاينون عليها اختكم انكسرت وهي ابنيه . اني اخذتني امي لغرفتي واني اون وابجي بس ماحجي كلشي. بس احس صارت هوسه جوه صياح ورمي امي نزلت شافت اخواني يردون ايهدون ع بيت عمي بالاسلاح أخذ اخوي مرته جره من شعرها وذبها بيت اَهلها. صارت طلايب ومشاكل يبووووووو عمامي ذبو الصوج بيه وأبوي سوده عليه انكسر من ورايه.
