كالت شبيج يمه
احجي وياي والله حيلي نهد
وبعد مابيه طاقه لمصيبه جديده..
وخرت الوصله من راسي
فتحت عيني يمه
كالت هايمه
كتلها اريد اتجيبلي اختي
اريد اختي
كالت يمه منين اجيبها
نامي حبيبتي والصبح تجي نشالله
اجه ابويه وكف ع راسي
كال شبيج
كتله ماكو شي
كال شتحسين
كتله بويه ماكو شي اني حالي حال اسوار
حال اي شي خربان عدكم بلبيت
هجم عليه وكام يصيح بنت الكلب
يريد يضرب بس امي وخرته
طكيت بجي
علنفسي وعلحال الاني بي
من هاي اللحضه وبدت معناتاتي
وبديت اكبر
مرت فتره طويله
واني ابجي علحالي
ومادري شلعب بيه ملعب
مرت فتره وبديت اشتغل واتعلم وي امي
ولتهيت بشغل البيت
ابوي منعني من طلعه بعد
لان شبيت وكبرت
وبدا يشد وياي
جانت صديقتي تجيني
بصف بيتنا بيتهم
هي جانت مزوجه ومطلكه
مره من المرات كعدت وسولفتلها
عن كل لي صار وياي
وبديت انهار
وابجي واعيط
كل لحضه اخذت مني هواي من عمري
البنيه شرحتلي وفهمتني
انو مو لازم اتزوج اي شخص
والا راح يقتلوني
ويرجعوني لاهلي
بس اني جنت اعرف مصيري
شنو
ضل الموضوع سري
ونبهتني صديقتي انو مانطق حرف
ضليت ليالي اني ابجي بفراشي
للفجر..وادري مصيري الموت
بمجرد ما احد يتقدملي
شايفين بنت تدعي ماتتزوج
اني دعيت انو محد يمشي عليه
بس اتصير وبوي يقبل اني انقتل
مرت الايام وماعرف شي عن عمر
وحاولت ادوؤر عنه بس
مالكا بلبيت كلما اروح
مره من مرات
طلع من الباب
والدنيا ضهر
صرت كباله
عممرر اوكف
وكف البايسكل
كبران وصاير حلو بس اعرف بي حقير
كال نعم شرايده
كتله اخذت مني كلشي
وانته تدري اني من عائله محافضه
اتزوجني واستر عليه والله انقتل
ونته السبب
هههههه شنو ضحكتيني اتزوجج
اي تزوجني لعد بس اخذت التريده
وشمرتني
اترجاك عمر والله اهلي يقتلوني
والله
اسمعي صح اني خطات بحقج
وجنت مراهق بهذيج اللحضه
بس مستحيل اتزوجج
ماكدر لا ماكدر
ليش لعد منو ياخذني والله انذبح
انذبح والله
لا الي ياخذج شرحيله لي صار
واكيد رح يتفهمج
بس لاجيبين اسمي
ابد لان رح افضحج بكل الديره
الله لايطيك ششلون يتفهمني
يعني ولك مو الله فوك راسك
يعني اذا اجتك وحده مو عذراء
تقبلها بيوم عرسك
لا طبعا اقتلها
لعد تريد يقتلوني
كتلج جانت ساعه شيطان
واكيد الله يشوف حالتج ونشالله يعطف عليج
بسسسس حقير تافه
اله افضحك بلمنطقه كلها
وخلي يقتلوني اهمشي نته هم تنقتل
مشيت سريع
ركض عليه حيل وطيحني
وكعت بنص التراب
حلكي نترس دم
ويديه دم
كال وربج اعتدي عليج مره لاخ
من جوه لكاع اطلع
لج اني ابويه نقيب واخلي يدفنكم
بس تتقربون علينه فهمتي لولا
انتي عاهره جيتي وياي
ونطيتي نفسج فاهمه لو لا
والخلقلج ادفنج
كام ونكت ملابسه
واني دموعي يجرن
دفرني حيل
وكعت مره لاخ
الشارع فارغ محد بي
بس الدنيا ضهر
كتله حقير انته حقير الله ياخذك
يانذل راح تندم لان الله مايطلع حوبتي هيج
كمت انكت ملابسي وادعي لالله
ربي ساعدني مالي غيرك يارب
اخخ جسمي يوجعني احس نفسي مخنووكه
دخلت للبيت
اني لازم اموت اي لازم
رحت ركضت علتنور
لزمت الشخاطه
وشعلت الحطب امي شافتني
وركضت عليه
ولج يمعزايه شسوين
يبووو
جرتني حيل
دفعتها كتلها وخري وخري
اريد اموووت
كله بسببج
نتي مهمله ابوي يهمه
بس جبروته وكبريائه
ويكتل بينه
اختي اسوار ضحيتكم
اني هم اريد اموت تركيني
جرتني حيل
وطببتني وسدت الباب
ولج شيحجون الناس
بتهم حركت روحها
ولج شبلاج يمصخمه شعدج احجيلي
كعدتني واني اشهك وابجي بصوت
عالي وماكدر احجي ولج يمه راحح
راحح رااح
ولج احجي شكو
يمه اني...
داحجي ودخل ابويه
كال شكوو شبيجن
شفت دخان وجيت بسرعه شصاير
شافني ابجي
كال شبيج
امي كامت شد ابربطتها
كالت جانت تخبز
ورادت تحترك
ولحكت عليها اخر شي
كال غير ديرين بالج
طيح الله حضجن انتي وهذيج
المكموعه مادبرن شي
الله يموتجن واخلص
...كلبي ينكسر....
فوك ماهو مكسور يعني اب
فوك ميجي يبوسني ويحضني
ويكول سلامتج بنيتي
يغلط ويصيح ويكلي نتي عاار
ماكو شي يستحق الحياه
اني عايشه بوسط غابه
مال وحوش
طبيت سبحت وبدلت
وصليت لربي ركعتين
وطلبت منه يباوع لحالي
ربي اخذ امانتك اذا اتصير قتل
ماريدانشهر يم ناس الغربه
واني بريئه
جنت ادعي انو لو اموت لو ماتزوج كل عمري
فترات تمر وايام الى ان يوم من الايام
ندكت بابنا
طلعت اني لابسه دشداشه خفيفه
اني حلوه حيل وفاله شعري
يعني اشبه امي بيضه وشعري فحم
عيوني كبار وشفايفي تخبل
فتحتها كبالي ثنين نسوان كبار
اهلا وسهلا خاله ..
كالت بنتي..جاين نسال علبيت فلان
دليتها علناس
بس بمجان ابالي الي ممكن يصير
لو ادري مخليتها شوفني
رجعت كملت شغلي
ونمت.بس دموعي متفارك عيوني
وكل يوم ايمر مثل الكابوس
اعجن واخبز واشتغل
ثاني يوم ندكت الباب
ابوي جان بلبيت
طلع فتحها
دخلوو كوومه زلم معكلين
وشباب ابويه مصدك
اني لطمت علحلكي
عزا العزاج يمعزايه
صعدت فوك الطم
وادعي ربي فدوه ربي
ربي مااريد ماريد
اخ الهي
لاتخليني انفضح وانقتل بيد ذولي ااضلام
ربي..
نص الساعه وطلعو العالم
ابوي صااح
اسررار
اني لشتي ترجف
اريد الزم الدرج وانزل
نزلت
كال منو هذوله تعرفيهم
كتله لا يابا
كال ذولي من المدينه
وجاين يمشون عليج
بس سالفه شفناها بلباب
ماتدخل عقلي
احجي ولج عندج شي وي الولد
لايابا والله وداعه اختي
كال خوش
كتله ناوي تقبل
كال امشي من وجهي بت الكلب
كتله بس سمعني يابا
اني ماريد اترك امي بعيد عنها
كال وتالي توغفين على كلبنا يعني
لازم تتعلمين اخرتج تتزوجين
يعني شكله موافق
اجاك الموت ياتارك الصلاه
طلع وجه الفجر
واني مخنوكه بفراشي ادعي
الله ماتصير
والله فضيحه
كمت اعد ايامي
اي هاي اخر ايام اعيش بيها
كنت استغفر وادعي الله
هواي لان ادري بعد كم يوم
اني رايحه لربي
طبت عليه امي بعد كم يوم
كالت ها يمه ابوج وافق
وداز خبر للعالم
كتله يمه لاتبعديني عنج
ماريد المدينه ابوس يدج
كامت تبجي
كالت كتلج يمه اذا كال هاهيه
هاهيه ماكدر اكله لا
بعدين احسلج بنتي اخلصي
من الضلم بلكت الياخذج مثقف يايمه
ويسعدج
اخ ربي شسوي
ماضل طريق واطلع منه بعد
اسبووع واجو النسوان جايبين
الذهب والنيشان وحددو موعد العقد
الي لفت انتباهي
بس الامايه والعمه
يعني العريس ماموجود
ضل بالي اكثر
ونشغل
اكيد فد واحد متسلط وحقير
وراح ياذيني
لطفك ورحمتك يارب
فرشت سجادتي
وكعدت ادعي
ادعي وادعي
ومصيري مجهول
ربي ادزلي هيج قسمه زينه
بس شنو الفايده يارب..
لااعتراض علحكمك ربي
الك بيها اراده..
ادموعي تنززف
وكلبي ينزف....لحكايه بقيه
#بنت_العرب🔞🔞
بارت5
اسراء محمد
........... ............
🌹:
لااعتراض علحكمك ربي
الك بيها اراده..
ادموعي تنززف
وكلبي ينزف..
طلعو العالم ..
امي كالت كومي
بدلي ..
شكو يوم
اريد اروح لبيتج عمج
كومي يلا
يمه خليني اتنفس
ستوهم راحو دخيل الله ودخيلج
ولج كومي كلت
اوف ربي اوف
شعدج هناك
كالت اريد مرت عمج
تاخذلج خيره
يمه تومنين بسوالف التعبانه
انا ماروح اذا تردين
روحي ونطيها اسمي
اسرررار كومي ولاتعبيني
وف ربي
كمت لبست ثوب
وعبايه وطلعت
كالت هاي شنو عووع
يمه شبيج
تاشر عليه
ولج نتي مخطووبه
مخطووبه اكشخي شويه
متعرفين
مايصير براسج حض مدمغه
اهمداج
صعدي لبسي شي بي خير
كتلها والله يوم كلبي مفرحان
ششش اش ولج
ليسمعج ابوج اخوج اهنا يدفنج
لزمت ايدها
كتلها يوم كالت ها
كتلها اسوار نكدر نشوفها
كالت والله يمه رجلها عازلها فوك
متطلع متوقع يقبل
كتلها مشي يله
كالت يلا
مشيت وكلشوي اعثر
بس جنت ممصدكه راح اشوف اختي
اي لازم افهمها وكلها كلشي
بلكت تساعدني
دخلت لبيت عمي سلمت وكعدت
وهنه يباركلي
امي كالت ام سعد
اريد تاخذيلي خيره لبنيتي
بزواجها نشالله
كالت ي خاله جيبي ايدج
نطيتها ايدي
بس بالي ولايمي
كالت خاله شبيج
كتلها ها شكو
كالت ليش مرايده الزواج
صفنت بوجهي
يممماع شدراها هاي
كالت احجي
كتلها هاااا
لاوالله بس ماريد
ابعد عن امي
كالت لا اكو سبب ثاني
لززمت كلبي
عزا عززا رحت بيها
لاهلمره بشربه مي
كالت بس مواضح ليش
شلت يدي من كلبي
يمه لطفك يارب
كالت احجي
كتلها لاخاله وداعتج ماكو شي
اصلا مرتاحه وفرحانه
كالت زين
بس اكو شي لاخ
فتحت حلكي وعيوني
وكلبي صار يدككك بسررعه
لشويه حسيته طلع ووكع بيدي
من الخووف
كالت زوااجج ميستمر
اتصير مشاكل
لطمت خدي
يبو يبوو
لو حاركه نفسي وميته
مو احسن انكضيت ورحت بيها
ليش ربي مو اني كتلك نقذني
كالت بس لاتخافين
كدامج خير بعدين
جرريت ايدي كتلها شدتخربطين
والله دوختيني
امي كالت اتادبي مكموعه
مو عيبب
مره عمج
كتلها انتي تامنين بهسوالف
والخريط يوم اني مامن
جنت اريد اقنعها واقنع نفسي
انو بحلم والحجته مو حقيقه
كذب ..
بس اني العرفه خيرتها
بلايد كل بنيه
اجت عليها تنطيها حياتها
وبتفصيل وكله يصير
بتسمت بداخلي كلت هه
اني عود ابقى عايشه
لاهاهيه
كتلها يووم ح اطلع اشم هو شويه
دخيلج
كالت لاتروحين بعيد
فتريت من وره وسحبت روحي بسرعه
بدون محد يحس ..
وصعدت للطابق الثاني
مثل الطلقه ..بس احس
نبضي وكف والله
ولشتي ترجف كلها
يمكن صار بيه سكر
دكيت الباب
اختي فوك وعازله
بس ميقبلون احد يدخل عليها
ليش ماعرف
نفتحت ااباب
طول ماواكفه علباب
جنت ادعي رجلها مو بلبيت
كدامي صارت
اختي
صايره مومياء
وجها اصفررر نوميه
ورايحه من الضعف
وزراك بعينها
وحلكها كله مشكوك
لطمت خديي
عزززا اسووار
كالت لج شجابج
ولج يمعزايه
جرتني بسرعه
وقفلت الباب
حضنتها وحضنتي واشهك
من البجي وهي تشهك
سدت حلكي
لزمت يدها وجها
كله اززرك
عطت بيها
هاي شمسوي بيح الحقير
شمسووي
كعدت بلكاع وتبجي
كالت ابوج المعدل
كله علكلشي
ويوميه يجي يختصبني
ويشبعني كتل ويروح
لج اني هنا مجرد حيوانه
حتى شامرني فوك
ميخلي احد يطب عليه
اسرار تعبت مليت
اني ندفنت هذا كبري
صميت حلكها
كتلها
اذا عندج امل تكونين عايشه
يجوز اني لا
كامت علحيلها
ولزمتني
عزا عزاج شكو ولج
كتلها
اسوار اني جايتج
احجيلج سري
الي اذا نعرف بي
يسويني وصل وصل
منو راح يصدك
كالت لج لاتموتيني
كافي يوميه اموت
جاي
كالت احجي نطقي
شمسويه لج
كتلها والله مو اني
موو اني خيه مو اني
اختي انتي واتعرفين اني شنو
كمت احجي بصوت وابتعد
وحيلي نهد وكعت بلكاع
كعدت كعود
واني لايدي الي ولارجل
وادموعي تنزل من وحدها
كالت احجي حبيبتي
كولي يجوز اساعدج
بكم كلمه
كتلها عتدا عليه
لطمت وجها
كالت يممااا
لج اسرار
كتلها اي
وهذا اول سر
الله يستر من الباقي
اني اسمي اسرار
كالت عزززا نوب تزوجين
اذا لكفووج يسوج وصل لحم
والله لج شسويتي شلون صار هيج
كمت وكفت اكبال الشباك
واحجي وابجي
وكلساع اختنك واتجيبلي مي
كالت يمصخمه حضج مثل حضي
كالت باووعي
ازوجي ميخالف
كتلها شلوون
اني ناويه اموت روحي واخلص
بليله الزفه
كالت لااع غلط تفكيرج
بس سمعي راح افهمج شسوين
بس علكيفج بلا بجي وشوي شوي
افهمي كلامي فتحي عيونج واذانج
زيييين
صفنت كتلها بهذا حالج ومتتركيني
كالت اني قريت علروحي الفاتحه
المهم حبيبتي اختي
ماريد ترحين برجلين
صيري سباعيه
وطبقي كلامي بلحرف الواحد
كتلهااي احجي
امي صاااحت
اسرررار
اسررار
كتلها عززا
اذا مشوفني شلون دبريني اشلون اطلع
كالت اسمعيني لازم تجين مره ثانيه
افهمج شسوين
كتلها لا بس جيت اودعج
حضنتها وبستها
ودمعتي حاره تحرك خدودي
لزمت يديه.
كالت مو اني اختج
ثقي بيه
اني راح اخلصج
كتلها شلون ولج
كالت مو هسه
تعاليلي باجر
كتلهة اي اجي
بس شلون اصعدلج
كالت سهله غافليهم وتعاي
كتلها خوش
فتحت الباب وداطلع
كالت اسرار
عيوني غوركت نداريتلها
ورحت ركضض
شبكتها
حبيبي اختي
اني داموت بلياج
اخخ اسووار اخ
حرموني منج
الميخافون الله اخخخ
كامت تبجي
كالت امي جوا مووو
كتلها ي
كالت ومسالت عليه
شرتله لا
كالت شفتي حتى متكول بنتي وين
شصار بحالها
ميته عدله ..
شفتي هاي عود امي
ك
نهارت بجي بلكاع
حضنتها حيل
وكمت ابجي وياها
اسووار اني يمج
وماعوفج للموت
ماعليج بيهم
امي عبد مامور
اتخاف تسال
يكتلها ابوي
كامت مسحت دمعها وغسلت وجها
كالت لا لا
مبيه شي
وداعتج ومحد يهمني بعد
بس هذا
شرتلي بطنها
كتلها اسووار
كالت يي اني حامل
ركضت حيل وحضنتها
كتلهة حبيبي اختي ديري بالج علروحج
وامانه عليج لاتبجين الخاطري
طلعت كلادتي وطيتهة الها
كتلهة خاف يصير شي
خليها يمج هاي.
كالت لاتكلين هيج
كافي داشوف الموت يوميه
كافي البيه اسررار
وعديني وعديني
كتلها بشنو
وعدينب انج ترجعين الي
وتكونين قويه قويه وتواجهيهم
واتطلعين من ايديهم
مهما كانت الضروف
كتلها اسوار
كالت اني وياج وراح افهمج شسوين
امي صاحت وينج يمه
يلا نروح
اني موصيه بت عمي تسد باب الغرفه
وتفهمهم احنه نلعب سوا..
كالت يله وعديني وعديني
بست راسها وبطنها
كتلها نتبهي لابنج
ونفسج ولايهمج احد واتحملي لخاطري
اوعدج اسوي الكتيلي بي
.ركضت بسرعه مشاعري
تعصرني عصر ..
ماريد ابقى وماريد اروح
اخخخ منك يازمن اخخخخخ
نزلت ومسحت دمعي
وركضت للفرفه
بست بت عمي وشكرتها
كتلها امانه لادكولين لحد
وعدتني مدكول
عدلت ملابسي
وفتحت الباب
امي كالت صارلي ساعه
اصيحج وين وليتي
كتلها لا هنانه جنا نسولف
خزرتني
كالت يله
اني امشي وافكر شنو مصيري
شنو مصير اختي
ليش الله هيج غاضب علينا
ستغفرالله
باوعت لامي
حجي اختي اسوار صح
مهتمت ولارفلها جفن
متعرف عن حال اختي ولاسالت
تضحك وتسولف
هاي امي
مهمله
اي مهمله وهي سبب خراب بيتها
رجعت للبيت
ابوي صاح اريد عشا
امي كالت تعاي خبزي
حمت التنور
وكالت يله
شنغت وخبرت
مثل الورد
واني افكر
شنو راح يصير
وشلون اكدر باجر اروح
كملت الخبز
طبكتهن وحطيتهن بلوصله
وشلتهن
لفيت عباتي
وكفت علشجره
ربي ربي ربي
بجاه كلمن عده جاه عندك
بجاه ابو الشدات طلعني وطلع
اختي من هاي المصيبه
يارب
وسهلها علي باجر اروح الها
رحت ركضت
حضرت لابوي اللبن والركي
والروبه ووصله لحم وتشريب
وتلث كرص
اكل وشبع ونام
ميفكر بس بروحه
اني طفيت وكضيتها
افكر شكل لامي باجر حتى اروح
ماحسيت نفسي امي تكعد بيه
كومي اجونا خطار
عززا منو
كالت بدلي بسرعه
شكووو يوم
كالت لبسي وتانقي احلا ماعدج
خطيبج واهله جوا
يردون يشوفج
اووف ربي
هم هاي السالفه
التوكف عمري
ماريده يوم كتلج ماريده
اجت عليه حيل ولزمت اذني
وتملش بشعري وتصيح
كالت ادبسز ساقطه
عندج واحد موو عندج احجي
احجي دفعتني حيل
وكعت تعورت بلكرسي
كالت انتي هم مثل اختج
بس شفتي مصيرها
مثل الحيووانه مشموره فوك
اذا مسمعتي الكلام حالج من حالها
عفيه بنات الله ياخذجن
امداني وخلفجن
كالت بدلي ونزلي ولبسي كم قطعه ذهب
والخلقلج افضحج يم ابوج
وهو يصرف
وياج
طلعت وسدت الباب
تمددت بلكاع وكمت ابجي
مدري من الالم مدري من لخووف
الى متى هيح حالي
وشنو الي راح يصير
تاليتي شنوو.. وين.. وليش..
هلاساله متفارك بالي
وماهتم شكد متاذيه بس افكر اكثر
جريت روحي جر واني ابجي
ودموعي توكع بلكاع
لبست نفنوفي
الوردي الحلو
ذكرت حادثه الصارت وياي
وكعت والطم واضرب راسي بلكاع
ولجج شنو تاليتج شنوو
مووت اموت احسن
اخ ربي
لبست وعدلت شعري
بس بدون روح بس جسد يمشي
مثل ميت ودفنوه توه
وضل بس جسد بلا روح
روحي راحت بذيج المغربيه
من باكو شرف انثى
مضلمومه
لفيت شعري وقرصته ليفوك
ولبست سوارين ومحبس
فتحت لمجر القديم مال امي
ولبست كلادتها
وتراجيها وذكرت كلادتي
يم اختي
طبت امي حطي حمره
ماحط يمه
ماحب الخرابيط هاي
لزمت ايديه
وفتحت المجر حطت حمره
وكحله وكالت مدمغه
مصيرلج جاره
ولج روحي روحي وخلصي من ابوج
الضالم
نزلي شوفي الناس شلون مثقفين
ومحترمين
وجاي يتوسلون يردون ابنهم يشوفج.
لان حليوه
عدلت ثوبي
كالت دقايق والكاج
وراي حتى تقدمين صينيه
الشربت
اف اف اف
نزلت وعضامي اتطكطك
اخذت صينيه ودخلت
سلمت علامه وخواته
وحجابي علراسي
بس مشمور شمر
كالن يمه تخبل
شهلبنيه
وكلساع يصيحن لاخوهن
شوف مرتك تخبل
سجاد..
العرفته اسمه سجاد
اويلي بيدك هاي رح تذبحني
اباوع علي وحتى مشيتي نعوجت
قدمت وكعدت
وهنه متخبلات عليه
اني ولايمهم كل فكري
شلون اروح الاسوار اريد حجه اروح بيها
باوعت الولد ساكت وجنه مراضي
وبس يوزع ابتسامات جذبيه
حسيت اجتني اشاره من ربي
يجوز هذا حبل ربي يجرني بي
حتى اخلص من اهلي
حسيت اشاره من السماء
تكلي قبلي بي
لان الولد جنه مرايد
كلساع يباوع
ويخنزر
لو يتافف
كلبي نغز وحسيت اكو امل
ابقى عايشه
لازم باجر اروح اواسولف لاسوار كلشي
امه كالت ام نوار عيوني يحفضلج نوار اوليدج
خلي العرسان ياخذون راحتهم
كالت يي يجرالج حبيبتي
طلعو كلهم وضليت بوحدي كاعده
كلبي يدك يدك يدك ومايهدء
بديت اعرك شنو رده فعله
وشلون راح اكدر اكمل يالله انصرني
وساعدني
كال اكلج شي
كتله شنو
كال اني مرايد ازوج
بس مجبور
اذا تكدرين ساعديني بس اقنعهم
واوعدج فتره ونتطلك
ضليت صافنه بوجها
كتله ليش اني بايره
يعني يسموني مطلقه
ماعرف شون طلع وياي الكلام
كال اهووووو
موزين انتي هنا بت عرب
اطلعج من الخيسه البيها
كتلهة صدك جذب يعني جاي
هيج تحجي
كال اسمعي اني لو ماملحه امي
شافتج حلوه
واتريد من العرب جان ولااجي واكلبكم
سمعتي لولا
ارضي واعيشج ملكه بس نعيش كاي
اثنين عادين
وبعدين تاخذين غراضج وترحين
وين ماتردين
اسفرج لاي بلد تردينه
بس خلصيني دخيل الله
صفنت بوجها هذا شيحجي
كال اي والله
كتله اني مقابل هذا ارضى بلقب مطلقه
شكو جاي ومتعب روحك
خنزر عليه هيج
نضراته مثل سيف حاد
الولد حلو يخبل
وكلبي جان يتمنه احتوي ويصير
سند وقوه الي وزوج وحبيب
بس ارجع واذكر اني شنو ..
كتله مامجبور تجي الباب لدخلت منه
اطلع منه
اني اكيف يلغي كلشي حتى اخلص
جر ايدي ..
وكال ..اوكفي ..افهمج شغله..
وتبقى انتي ومروتج
كتله شنو
كال اني احب بنيه وميزوجني ياها
فايريت اساعديني..
واني اعيشج.
احسن عيشه...للحكايه بقيه
المتابعين خطيه لحو عليه اكمل بارت
حبايبي اني من اشوف تفاعلكم وي القصص
اتحفز اكثر ..مايطيني قلبي اردكم
وهذا بارت وتددللون❤🎶
#بنت_العرب🔞🔞
بارت6
اسراء محمد
............
🌹:
واني اعيشج.
احسن عيشه..
صفنت علي ..
ليش ميزوجوك ياها
مشكله قديمه..
كتله تنطيني فرصه
احاجي اختي .
كال خير نشالله..
طلعنا
هو ودع اهلي واني
بوست امه
واخواته
طبعا بدفع من امي
كلساع تدفع بيه
وتكلي روحي
واني تروح روحي
راحو الكل
الدنيا بدت تضلم
طلعت بره..
جريت نفس قوووي
اخخخخخخ
ربي اريد هلمره
بس
اروح لاختي
فدواتك
اهلي صبو عشا
وكعدو اتعشو
اني كتلهم مااشتهي
وصعدت لغرفتي
اروح وارجع
اكل بصابعي
شسوي هسه
بس اني هسه طمنيت
احمدك وشكرك يارب
الولد اذا اخذته مراح يتقربلي
زين وتاليها
وين اولي وين اروح
مستقبل مجهول
يعني اذا ساعدته يزوج
حبيبته.
اكيد من تجي ..
اني لازم ماابقى
يربي وين اروح
بس هاي اشاره من ربي
نمت والقلق ماكل راسي
والتفكير
كلاص مي فوك راسي
علكومدي
كلشوي اجره واشرب واحس
جسمي نار
اني بطبعي من قلقه وخايفه
ينعكس هشي بصوره سلبيه
علجسمي وصحتي
كوه طلع الصبح
يوم جديد وحياه جديده
بانتضاري.واني مصيري للمجهول
رحت لامي كتلها
يمه
ها
يمه اريد ارجع لبيت عمي
لتفتت عليه
ليش شعندج
كتلها شو عجبتني شغله
الخيره اريد تاخذلي بعد
كالت ها اسرار اكعدي
كتلها يمه بلكي هلمره يطلع
شي جديد
عفيه اريد اخذ بعد
اسرار
اي يمه بعد بعد
اهووو
لادوخيني روحي من يمي
يمه اني اروح لاتجين
راحت وكفت علميز جانت تطبخ
كالت ولي يله بس لاتتاخرين
ابوج اذا رجع وشافج ماكو
يكلب الدنيا علراسي
لايمه نص ساعه
وراجعه
لبست عبايه ولفلفت روحي
وطلعت
واني دامشي
عبرت من ل
بيت عمر
صارت الدمعه بعيني
اخخخ هنا ماتت كل احلامي
وطفولتي
يمكن راح اترك
هذا المكان وهاي الديره
بس ماراح اتركك عمر
راح ارجع واخذ حقي
القاط قاطين منك
مشيت واحس رجلي تخيطت
وكلها دم
من شفت الدم كمت ابجي
بهستريا
زحفت علكيف
وكفت عشجره
وكعدت بلكاع
جبت رجلي
شفت بيها كزازه
شاكه اللحم شك
معقوووله هيج
يعني
اني امشي وماحسيت
بنفسي دست علكزازه
الله يساعدني لعد شكد افكر
موزين مخي منفجر لهسه
طلعت الكزازه وشديت رجلي
لازم تتقوين اسرار
كمت واني اعرج
وصلت لبوري مي
قريب علبيت عمي
غسلت ورحت
يم بابهم
وين اروح وشلون ادخل
ماريد احد يحس
اكو بيت بصفهم هيكل جان
وبي مواد بناء بلكاع
اكو رمل ستوه ذابينه
ختلت ورا بسرعه
من حسيت طكه الباب
طلع رجل اختي
نفسه هو ذاك المرعب ابو شوارب
كعدت بلرمل
شلون راح ادخلين اسرار
هذا اذا لكفني يذبحني
ويسويني وصلتين
رجعت باوعت
راح للمحل
بس الباب مفتوح
هاي فرصتج
اسرار
دخلي وبدربج للدرج
شردت بسرعه
وطبيت للبيت
ومادري شلون ركضت
وي رجلي المجروحه
صعدت ودكيت الباب بسرعه
اختي اجت وفتحتها
طببتني بسرعه
ولج هاي اشجابج
عزززاا
دخلي جوا دخلي
ماكدر انطق حتى ا
من الخوفه
بستها جابتلي مي
وقفلت الباب
كالت انتضري هنا
ضلت تروح وترجع
كالت ولج عايني هذا راح يرجع
كتلها عزاا ولج اسوار دبريني
وين اروح
كالت باوعي رح يجي يبدل ويطلع للشغل
بس انتي ضلي هنا ورا لجربايه
ولاطلعين ولاصوت
كتلها خوش
ضلت ترجف البنيه
واني هم ارجف
جسمي ويديه خرخاشه
دخل واسمع صوته من بعيد يحجي
وياها..كال وين ملابسي بسرعه
راحت جابتله كلشي لعنده
وهو يحجي بخشم وشايف نفسه
وبين حجايه وحجايه يعيط باختي
طكت الدمعه بعيني عليها
هذا حالها
من خوفها عثرت تلث مرات
راح وسدت الباب ورا
واجتني
اطلعي
كعدت وتجر نفسها كوه
كتلها راح
كالت اي
جست خدها
جسمها نار
بتسمت كتلها مثلي
كالت شنو مثلج.
من تقلقين تصخنين
ضحكت كالت ياصخونه
خيه..
اني صار بيه سكر.من ورا هذا
كومي فهميني شراح سوين
كتلها
خلااص اطمني...
كالت شنو اطمن
كتلها علكلشي وسولفتلها
كالت وتالي وين يصفا بيج.الدهر
ورما تجي حبيبته
كتلها ماعرف الله العالم
كالت اسرار
باست يديه ثنينهم
كتلها تخبلتي شجاج
كالت رجعيلي ارجوج رجعيلي
اني هسه محتاجه مساعدتج
اترجاج رجعيلي
طلعيني منا اني تعبت
ماكدر اتحمل اكثر والله
اخ اخ والف اخ
حضنتها .كتلها سمعي
مني ..اني اعوفج
اني ماعوفج اني اختج
وراجعه الج صدكيني
وراح
اجيج واطلعج من هاي الدوامه
كالت اسرار
اني رضيت بقسمتي
عيونها تجري
بس اسرار اني عايشه ويه وحش
ماكدر اتحمل اكثر
اذا مرجعتيلي وايست من الدنيا ومن
روحي
اموت نفسي واخلص
سديت حلكها
ششششش.سكتي ولج
وثقي بيه
ولاتايسين من رحمته
كالت شبيها رجلج
لاماكو شي
كالت لا اشوف
كتلها نجرحت.وخلاص
ضلت تبجي
وتضرب راسها
هذا حضنه هاي حياتنه
ليش من دون البنات احنا هيج
ولاوحده بينه حضها كعد
كتلها اني اعرف ليش بتسمت
كالت ليش
كتلها امنا
هي السبب
هي
كالت ليش
كتلها امي شيكلها ابويه
تكله اي
هي خاضعتله وعلمته اب
يسوي البراسه
يي صح اسرار بس امي
مجبوره مابيدها شي
كمت وكتلها لا
بيدها اني اكلج شلون بيدها
ولج جان ممكن تاخذنه علاقل
وتروح تهج بينا
وحتلو اجدي من العالم نعيش
عيشه احسن من عيشه ابوج
الي مسيطر علينا حتى بلزقنبوت
باستني وكالت اهدي خلاص..
وانتي خلصتي نشالله
اطلعي وروحي عيشي حياتج
هذا راي ولاتضلين يمهم
لان يمكن كل الناس ترحمج
وهمه ميرحموج
بست راسها
وكتلها حبيبتي اسوار
🌹:
ارجع باقرب وقت
واخذج ونطلع منا.
ودعتها وبقت روحي يمها
بعد ماساه من البجي وماكدرت تسكت
يم الباب بست يدها
وكتلها خلي مكياج ليشوفج
رجعت للبيت وميت عثره عثرت بدرب..
وصلت ونتهى الكابوس..
طبيت للبيت مثل واحد شارد من الموت
مر الاسبوع واني مو حاسه شنو الي
صار
لان لتهيت بتحضيرات ..
غسل البيت والمسح
والتنضيف مضل شي
ماكام يلمع هاي قوانين امي
غير قوانين ابويه
بطبه وطلعه يسمعني حجي
خلص الااسبوع
واجو الناس
واجه الولد واشرتله اوك
وطب وياه شيخ.تفاهم وي ابويه
ابويه وافق طبعا
اهل الولد عرضو مبلغ مرتب
حاضر غايب وهو حتى ماسال عن اي تفصيل
بحياتي ودمعت عيني نزلت
طلعت واني مبيوعه
اي اني نبعت وا
ناس اشتروني
ماكو اصعب من اب عديم المسوليه
وميستحق الابوه
اطاني وبس راد يخلص مني
حسيت نفسي ذليله
ورايحه لغابه ولوحدي
ماعرف احد هناك
عقد علينه الشيخ
واهله مكيفين واهلي مكيفين
بنفس اليوم حددوا موعد العرس
بعد سبوعين
كالو خلو العرسان ياخذون
راحتهم
شكد سمعت هلاهل وشكد شفت جكليت
بلكاع يدل على انو حياه حلوه بنتضاري
بس اني جنت شبه ميته لان كل هذا الفرح
مو االي
جان مثل الحلم كلساع احلم
واصحى مرعوبه
ارووح بلاجووواء الحلوه
وارجع الى واقعي المرير
دخلنا للغرفه.
وكال نتضريني هنا دقايق
مبايله يدك
اول مره اشوف مبايل
ومبايل حديث
وحلو
بقيت صافنه
فتح خط
وابتسامته شكت حلكه
كال ها حبيبتي
لاتخافين البنيه وافقت وخلص كلشي
راح اساعدنه علمود ننجمع اني وياج
ونعيش احلا عيشه
الكلمات هزت كياني هززز
صح اني مو بنيه بس حسيت
نفسي خسرت شي جان ملكي ورااح
راااح طار بلهوه
اني ليش ماعشت مثل هاي البنيه
اني اعرف ليش
بسبب غبائي
لازم اتحمل النيجه
باوعت اني شكد حلوه طالعه
مثل الورده
المفتحه ستوها
بس شنو فايدتها اذا باكو ريحتها
بس منضر
ضلت كلماته تحفر بكلبي حفر
لحدما سده واجه كعد
كال اشكرج اني هوايه
كمت وكفت علمرايه
وعلشنو تشكرني وعدلت شعري
كال على الي سويتي ويانا
درت وجهي
مسويت شي
الله يسعدك نته والي تحبها
كال شوفي يجوز اني اذيتج
صح..
بس صدكيني..
قاطعته بصوت عالي ششششش
اني كتلك اساعدك ونتهى الموضوع
ماكو داعي تبررلي..للحكاايه بقيه
