*...ايثار..لج ماما ايثار تعالي بسرعه
*...نعم ماما خير خو ماكو شي ؟
لا ماكو شي بس انتبهي الاخواتج اني رايحه للسوك ثواني وارجع وفطومه سبحيه وبدليله اليوم اريد اخذه القحهه اخر لقاح
*..ليش شبيه مرت اخويه مكسره لو بس تعرف تثرم حجي ويه امهه متكوم تشوف جهاله وتسبحهم هيه
*..انجبي وبدون طوله السان مرت اخوج حامل وبطلنه الحلكه وبلكت هل المره يطلع ولد ماريده تشيل شي ثكيل ..مثل ماكتلج كومي سوي يله
*..اي اي حاضر كايمين
*..هاي شكو ليش هل الصياح
*..ماكو شي محمد انت لتدخل اني وامي دنحجي
*..هاي عليمن ولج😡
*..موعليك
*..يله ولي من وجهي حطيلي زقنبوت
اعرفكم بنفسي اسمي ايثار عمري 17سنه من محافضه كربلاء اي نعم اني الساني طويل بس ويه الحق عندي اخو واحد مزوج عنده ثنين بنات ومرته حامل وكل ماتحبل تعيف شغل البيت عليه وعندي اخوات ثنين مزوجات وحده اسمه ليان وحده انهار واني بزر الكعده يحضي😒اني تاركه المدرسه لان مالي هوايه بيهه كل وقتي اكضي بلتنضيف ومن اضوج اكضي وكتي بيت عمي ماراح اكلكم مواصفاتي مثل كل بنيه بلقصه لا مواصفاتي عاديه بس عيوني كبار وصاحبه شعر طويل جوزي ع امي وملامحي طفوليه والساني حاد بس اكثر الاوقات لطيفه
عندي عمام ثنين واحد مستشهد وبعده حلقته بيده يعني ممتزوج بس خاطب والثاني عنده بنيات ثنين ع خمس ولد 3مزوجين المزوجين واحد اسمه اكرم والثاني فيصل والثالث وليد وثنين ممزوجين واحد عمار والخ مهيمن اصغر شي بزر الكعده اما البنات ف وحده منهم مرت اخويه والباقين تتعرفون عليهم خلال القصه
ابو محمد*...ايثار بنيتي شكد صارلج مرايحه البيت عمج
ايثار*...ليش بابا؟
ابو محمد*...لابنيتي ماكو شي بس سألو عنج وافتقدوج وتعرفين جنات بنت عمج شكد تحبج
ايثار*...اي بابا اروح اليوم انشالله
ابو محمد*...كومي بدلي يله اوصلج
ايثار *...كمت بدلت واني اعرف امي راح تعارض روحتي بس سكتت لان اعرف مراح استفاد نتيجه من الحجي تريد ابقه انضف والاخت مرت الاخ كاعده بدلت وخلصت ولبست عباتي ونزلت
ام محمد*...هله بلمسعده وين موليه ولج
ابو محمد*...يامره شبيج ويه البنيه اني كتله تبدل تره
ام محمد*..وانت متشوف مرت اخوه حبله وبطنه الحلكه واني عندي فقرات ماكدر اشتغل بلبيت
ايثار*...يمه شجاج الخاطر الله الي اعرفه بزره الكعده تدلل مو تنهان كل يوميه..عفته وصعدت وضليت اندب حضي بس كلت مالازم اضعف واخلي مرت اخوي تتشمت بيه خليت ونزلج جوه شفته اباب الغرفه وتبتسم بحقاره وخبث
ايثاره*..خير ام فطوم ضحكينه وياج
هناء*...لا يخيه ماكو شي بس اشتهيت اضحك حرام شنو
ايثار*...هه ضحكي ضحكي نشوف منو يضحك بألاخير من ازوج واطلع عنج
هناء *...والله يخيه جنج معنسه وراح تبقين ع كلبي
ايثار*...هاي عليمن ولج
هناء*...عليج ولاج سيف ينجر ركبتج نجر احترمي وبلالج اياهه طوله السان تره توكعج بمشاكل انتي بغنه عنه
ايثار*..لا اشو اني احب المشاكل وريني ستسوين..وجان ماشوفه غير واكعه بلكاع وتصيح الحكني محمد اختك تريد تموت الولد ابطني صليت هيج😳لا اخذ ولا انطي
محمد*..غير هناء شبيج شصاير هاي منو موكعج😳
هناء *..ولك اختك تريد تموت ابني
محمد *..ايثار😡👋طبعا عمري مماد ايدي ع وحده من البنات بس اصيح عليهن و ايثار زودته كلش غير عن اخواتي السانه متبري منهه وهيه جبرتني اضربه
ايثار*....والله العضيم ماضربته ولا وصلت الهه والله😭
هناء*...شنو قصدج يعني جذابه اني
ايثار*...كمت وصعدت فوك حسيت الدنيه نهدت ع راسي اول مره محمد يمد ايده عليه وكل من وره مرته صدك لو كالو الولد من يتزوج يصير اخو مريته نمت وماحست غير ع صوت الجهال يعيطون يم اذني ماما تعيط كومي عمه كومه
ايثار*.. سويت الدرج بايتين ونزلت للغرفه شفت امي لازمته وتكوم بيهه ومحمد طفر يجيب السياره من الكراج وابويه يكلي خابري العمتج خل تجي خطيه تريد امهه
ايثار*...حاضر حاضر ...اخذت فوني ودكيت ع مرت عمي متشيله دكيت ع عمار ...الووو
عمار ...اعرفكم بنفسي اسمي عمار عمري21سنه مخلص سادس بس ماكملت مالي واهس بيهه احنه عدنه خير من الله الحمدلله واذا طكت ابالي عود اشتغل بشهاده السادس ...اني من جنت طفل جان ابالي ايثار وبس غيره مادخل عقلي ولحد هسه كلت بس تكبر شوي اتزوجه
كاعد ودك تليفوني هاي ايثار صحت الووو..
ايثار*...عمار اختك عده ولاده وتريد عمتي ودكيت عليه ماحصلته بسرعه جيبه وتعال وسديت الخط
عمار*..بعدني ماحاجي سدته بوجهي بسيطه اني الهه بس هسه لازم اتحرك واخذ جنات لان امي مو هنا ابيت خالتي صحت عليه جنات...
جنات*..اي اي جيتك خويه جيتك
عمار*...لاتجين ضلي يمج بسرعه بدلي وتعالي منتضرج بسياره اختج عده ولاده
جنات*..يا🌷ZeZooo🌷
سوده عليه اي خوش خوش اجيتك
عمار*...ركبت جنات وره واني
داسوق الطريق سويته دقيقتين وركضت ع بيت عمي دكيت الباب وطلعت ايثار ..اروح فدوه الهل طول
ايثار*...اجه عمار وجنات سلمت عليهم وفوتتهم جوه ...اسمع عمار اهلي راحو واخذو اختك للمستشفئ ليش مارحت وراهم
عمار*...ولج انتي نطيتيني مجال احجي لو كبل سديتي بوجهي يله راح اخذ جنان واروح ديري بالج ع نفسح
ايثار*...دائمأ الاحض عيون عمار عليه بس مغلسه لان هوه مو ابالي ولا شايلته من كاعده رغم جماله ونزاكته شكله مرتب وشعره عالي صوته بي رجوله حاده عيونه شهل وطوله يجنن وكلمته متصير ثنين رغم هوه الولد الوسطاني العائلته بس ماخذ الرجوله والطبع الحاد من عمي بس اني مابالي هوه ابد كتله ماشي روح يله راح وسديت الباب وره خمس دقايق دك تليفوني
ام محمد *...ايثار ولج يمه هلهلي اجه جود يمه اجه جود مرت اخوج جابت ولد يخبل
ايثار*...ماتفاجأت من اسم الولد لان اخويه جان يريد يسمي ابنه ع اسم ابويه كتله...الف مبروك ماما يربه بعزه ودلاله انشالله تشوفه عريس
